এলোপেথিৰ বাবে লাখ লাখ লোকৰ মৃত্যু হৈছে! বাবা ৰামদেৱক কি ক’লে কেন্দ্ৰীয় স্বাস্থ্যমন্ত্ৰীয়ে?

এলোপেথিক লৈ কৰা আপত্তিজনক মন্তব্যক ঘূৰাই ল’বলৈ কোৱা হৈছে বাবা ৰামদেৱক।

এখন পত্ৰযোগে কেন্দ্ৰীয় স্বাস্থ্যমন্ত্ৰী হৰ্ষ বৰ্ধনে সেই মন্তব্য ঘূৰাই ল’বলৈ কৈছে।

ৰামদেৱে কৈছিল যে এলোপেথিৰ বাবেই এই দেশত লাখ লাখ লোকৰ মৃত্যু হৈছে

এই মন্তব্যৰ পাছতে দেশৰ চিকিৎসক আৰু নাগৰিকসকল ক্ষুব্ধ হৈ পৰে।

ক্ষোভ প্ৰকাশ কৰিছে ইণ্ডিয়ান মেডিকেল এচোছিয়েছনে (আইএমএ)।

সংস্থাটোৱে ৰামদেৱলৈ আইনী জাননিও জাৰি কৰি লিখিতভাৱে ক্ষমাপ্ৰাৰ্থনাৰ দাবী কৰিছে।

দুই পৃষ্ঠাৰ পত্ৰখনত কেন্দ্ৰীয় স্বাস্থ্যমন্ত্ৰীয়ে লিখে যে আপোনাৰ মন্তব্যই দেশৰ মানুহ আহত কৰিছে।

“চিকিৎসক আৰু স্বাস্থ্যকৰ্মীসকল এই দেশৰ মানুহৰ বাবে ভগৱানৰ দৰে। তেওঁলোকে নিজৰ জীৱনৰ ভয়ক নেওচি দিনে ৰাতিয়ে কৰোণাৰ বিৰুদ্ধে যুদ্ধ কৰি আছে।”- স্বাস্থ্যমন্ত্ৰীয়ে লিখে।

“আপুনি কেৱল কোভিড যোদ্ধাসকলকেই অপমান কৰা নাই, এই দেশৰ নাগৰিকসকলৰ ভাবাৱেগত আঘাত কৰিছে।”- তেওঁ লিখে।