বঙাইগাঁৱত নিউম’নিয়া প্ৰতিষেধক ভেকচিন প্ৰদানৰ শুভাৰম্ভ
ৰাজ্যখনৰ আন জিলাৰ লগতে বঙাইগাঁও জিলাতো নিউম’নিয়া প্ৰতিষেধক ভেকচিন প্ৰদানৰ শুভাৰম্ভণি কৰা হয়।
গুৱাহাটীত স্বাস্থ্য আৰু পৰিয়াল কল্যাণ মন্ত্ৰী কেশৱ মহন্তই নিউম’নিয়া ভেকচিন প্ৰদানৰ শুভাৰম্ভণি কৰাৰ পিছতে বঙাইগাঁও জিলাতো উপায়ুক্ত ডা:এম এচ লক্ষ্মী প্ৰিয়াই বঙাইগাঁও খণ্ড প্ৰাথমিক স্বাস্থ্য কেন্দ্ৰত নিউম’নিয়া ভেকচিন( Pneumococcal Conjugate Vaccine-PCV)প্ৰদানৰ শুভাৰম্ভণি কৰে।
নিউম’নিয়া ভেকচিনে শিশুক নিউম’নিয়া জ্বৰত মৃত্যুৰ পৰা প্ৰতিৰোধ কৰিব। অন্তত: নিউম’নিয়াত শিশুৰ মৃত্যুৰ হাৰ ৩০ শতাংশ হ্ৰাস কৰিব বুলি আশা কৰা হৈছে।
এই ভেকচিন তিনি পালি ল’ব লাগে ৷ শিশু এটিৰ ৬ সপ্তাহ বয়সত প্ৰথম পালি, ১৪ সপ্তাহ বয়সত দ্বিতীয় পালি আৰু ৯ মাহ বয়সত বুষ্টাৰ পালি দিয়া হয়।
এই ভেকচিনটো বৰ্তমানে সাৰ্বজনীন ভেকচিন আঁচনিৰ( Universal Immunization Programme) অন্তৰ্ভুক্ত কৰা হৈছে আৰু বিনামূলীয়াকৈ দিয়া হ’ব।
নিউম’নিয়া ভেকচিন প্ৰদানৰ শুভাৰম্ভণি অনুষ্ঠানত উপস্থিত বিষয়া তথা হিতাধিকাৰীক উদ্দেশ্যি বঙাইগাঁৱৰ যুটীয়া স্বাস্থ্য সেৱা সঞ্চালক ডা:নীলমাধৱ দাসে কয় যে পূৰ্ৱতে ভাৰতৰ পাঁচখন ৰাজ্য হিমাচল প্ৰদেশ, মধ্য প্ৰদেশ,উত্তৰ প্ৰদেশ,ৰাজস্থান আৰু বিহাৰত-নিউম’নিয়া প্ৰতিষেধক ভেকচিন প্ৰদান কৰা হৈছিল আৰু আজিৰে পৰা অসমতো শিশুসকলে বিনামূলীয়াকৈ এই ভেকচিন পাব।
নিউম’নিয়া ভেকচিন প্ৰদানৰ শুভাৰম্ভণি অনুষ্ঠানত অতিৰিক্ত উপায়ুক্ত(স্বাস্থ্য) শ্যামল ক্ষেত্ৰ গগৈ,জিলা আঁচনি প্ৰবন্ধক আনন্দ শৰ্মা,অতিৰিক্ত মুখ্য চিকিৎসা তথা স্বাস্থ্য বিষয়া ডা:লাবন্য শৰ্মা,জিলা টীকাকৰণ বিষয়া ডা:পুষ্পেন্দু দাস আৰু মহকুমা চিকিৎসা তথা স্বাস্থ্য বিষয়া ডা: এম ইছলামো উপস্থিত আছিল।
You may also like
“সকলো বিৰোধী ৰাজনৈতিক শক্তি মূল শত্ৰু বিজেপিৰ বিৰুদ্ধে একত্ৰিত হ’ব লাগে” : দেৱব্ৰত শইকীয়া
সকলো বিৰোধী তথা আঞ্চলিক ৰাজনৈতিক শক্তিৰ মূল শত্ৰু বিজেপিৰ বিৰুদ্ধে একত্ৰিত হ’ব লাগে বুলি মন্তব্য বিৰোধী দলপতি দেৱব্ৰত শইকীয়াৰ। অসমীয়া মানুহে আৱেগৰ…
জনতা দল(য়ু)ৰ তৎপৰতা : বিধান সভা নিৰ্বাচনত প্ৰতিদ্বন্দ্বিতা কৰাৰ ইংগিত ৰাষ্ট্ৰীয় সম্পাদকৰ
বিহাৰৰ মুখ্য মন্ত্ৰী নীতিশ কুমাৰ নেতৃত্বাধীন জনতা দল(য়ু)য়ে অসমত সাংগঠনিক তৎপৰতা আৰম্ভ কৰিছে। ইয়াৰ অংশ হিচাপে মঙলবাৰে নগাঁৱত দলটোৱে এখন সাংগঠনিক সভা…
আপোনাৰ সন্তান পঢ়া-শুনাৰ প্ৰতি আগ্ৰহী নহয় নেকি? জানেনে কেনেকৈ সলনি কৰিব তেওঁলোকৰ মন?
প্ৰতিজন অভিভাৱকে নিজৰ সন্তানে ভালদৰে পঢ়াশুনা কৰাটো বিচাৰে। কিন্তু যেতিয়া সন্তানে পঢ়া-শুনা কৰিবলৈ অনিচ্ছা প্ৰকাশ কৰে তেতিয়া পিতৃ-মাতৃ চিন্তিত হৈ পৰে। ইয়াত…
মাজুলীত আৰ্টফেডৰ লগতে ১৪ খন বিপণিৰ পৰা জব্দ বৃহৎ পৰিমাণৰ বহিঃৰাজ্যত নিৰ্মিত গামোচা
ৰাজ্য চৰকাৰে বিক্ৰী নিষিদ্ধ কৰা বহিঃৰাজ্যৰ পৰা আমদানিকৃত পাৱাৰলোমত উৎপাদিত গামোচাৰ বিৰুদ্ধে মাজুলীত তীব্ৰ অভিযান আৰম্ভ কৰিছে জিলা প্ৰশাসনে। কাৰ্যবাহী দণ্ডাধীশৰ নেতৃত্বত…