সুৰক্ষা বিশেষজ্ঞ জয়দীপ শইকীয়াৰ তিনিখনকৈ কবিতাপুথি উন্মোচন

সন্ত্ৰাসবাদ তথা সুৰক্ষা সম্পৰ্কীয় আন্তঃৰাষ্ট্ৰীয় খ্যাতি সম্পন্ন বিশেষজ্ঞ জয়দীপ শইকীয়াই নিজকে এগৰাকী প্ৰতিষ্ঠিত কবি হিচাবেও চিনাকী দিবলৈ সক্ষম হৈছে।

ইতিমধ্যে শইকীয়াৰ একাধিক সাহিত্য সৃষ্টিয়ে পাঠকৰ মনত হোন্দোলনি তোলা পৰিলক্ষিত হৈছে। শেহতীয়াকৈ তেওঁৰ তিনিখনকৈ কবিতা পুথি ক্ৰমে –“Twilight Hour,” “Quarter to Eight,” আৰু “Neruda or Nobody” উন্মোচন কৰে অসমীয়া ছবি জগতৰ মোহময়ী অভিনেত্ৰী নিশিতা গোস্বামীয়ে।

শইকীয়াৰ ইয়াৰ পূৰ্বে প্ৰকাশিত কবিতা পুথি হৈছে “Lyrics from the Amygdala” আৰু“Susupti”।

খ্যাতনামা সুৰক্ষা বিশেষজ্ঞগৰাকীৰ বহু কবিতা ইতিমধ্যে অসমীয়ালৈ অনুবাদ হৈছে। ২০০৩ চনৰ জানুৱাৰী মাহত তদানীন্তন অসমৰ ৰাজ্যপাল এছ কে সিনহাই উন্মোচন কৰিছিল জয়দীপ শইকীয়াৰ কাব্য গ্ৰন্থ “Lyrics from the Amygdala”।

ৰাষ্ট্ৰীয় বঁটা প্ৰাপক জনপ্ৰিয় গায়িকা তৰালী শৰ্মাই শইকীয়াৰ প্ৰখ্যাত প্ৰিয়ম নামৰ কবিতাটি গীতৰ ৰূপত উজলাই তুলি সকলোৰে সমাদৰ লাভ কৰিবলৈ সক্ষম হৈছিল।

প্ৰিয়ম কবিতাটি অসমীয়ালৈ অনুবাদ কৰিছে দিলীপ কুমাৰ বৰুৱাই

ইতিমধ্যে জয়দীপ শইকীয়াৰ বহু কবিতা বঙালী,মালায়ালম,মণিপুৰী,তামিল আদি ভাষালৈ অনুবাদ হৈছে।

জয়দীপ শইকীয়াই হৈছে প্ৰথম ব্যক্তি যিয়ে অসম সংগীত ইংৰাজীলৈ অনুবাদ কৰিছিল।