চক ডে ইণ্ডিয়া! টকিঅ’ত ৫৭বছৰ পুৰণি ইতিহাসৰ পুনৰাবৃত্তি ঘটালে ভাৰতীয় হকী দলে
টকিঅ’ত ৫৭ বছৰ পুৰণি ইতিহাসৰ পুনৰাবৃত্তি ঘটিল। ১৯৬৪চনত টকিঅ’ অলিম্পিকত প্ৰথমবাৰ ভাৰতীয় দলে যি কৃতিত্ব দাঙি ধৰিছিল সেয়া ২০২১ত পুনৰাবৃত্তি ঘটালে দলটোৱে।
অৱশ্যে সেইবাৰ এইটো একেবাৰে স্বাভাৱিক বিষয় হিচাপে বিবেচিত হোৱাৰ বিপৰীতে এইবাৰ সেয়া গুৰুত্বপূৰ্ণ হৈ পৰিছে।
১৯৬৪ৰ টকিঅ’ অলিম্পিকৰ ফিল্ড হকীত প্ৰথমবাৰ ডিফেণ্ডিং চেম্পিয়নক পৰাজিত কৰিছিল ভাৰতে।
১৯৬০চনৰ ৰোম অলিম্পিকত পাকিস্তানে লাভ কৰিছিল সোণৰ পদক। ১৯৬৪চনত টকিঅ’ত ফাইনেলত পূৰ্বৰ চেম্পিয়ন পাকিস্তানক ১-০গলত পৰাজিত কৰি খিতাপ পুনৰুদ্ধাৰ কৰিছিল ভাৰতে।
উল্লেখ্য যে পাকিস্তানে ৰোমত সোণৰ পদক জয় কৰাৰ পূৰ্বৰ ৬খন অলিম্পিকত চেম্পিয়ন আছিল ভাৰত।
এইবাৰ চলিত টকিঅ’ অলিম্পিকৰ গ্ৰুপ মেচত ভাৰতে যোৱাবাৰৰ চেম্পিয়ন আৰ্জেন্টিনাক ৩-১গলত পৰাজিত কৰিছে। সেইদৰে, ইয়াকে লৈ দ্বিতীয়বাৰ অলিম্পিকত ডিফেণ্ডিং চেম্পিয়নক পৰাস্ত কৰাৰ কৃতিত্ব ৰচিলে ভাৰতীয় হকী দলে।
অলিম্পিকত ১৯৮০ৰ পাছত ভাৰতীয় হকী দলে সফলতা লাভ কৰা নাই। সেয়ে, এইবাৰ ২০১৬ৰ ৰিঅ’ অলিম্পিকৰ সোণৰ পদক বিজয়ী আৰ্জেন্টিনাক পৰাজিত কৰি বিশেষ গুৰুত্ব লাভ কৰিছে ভাৰতীয় হকী দলে।
ভাৰতে ইতিমধ্যে টকিঅ’ অলিম্পিকৰ ৪খন গ্ৰুপ মেচৰ তিনিখনতে জয়লাভ কৰি কোৱাৰ্টাৰ ফাইনেলত প্ৰৱেশ কৰিছে।
You may also like
১২ জুনত পাটনাত আলোচনাত মিলিত নহয় বিৰোধী, বৈঠক স্থগিত; পুনৰ কেতিয়া বহিব?
১২ জুনত পাটনাত বিৰোধীয়ে একেলগে বহাৰ বাবে আয়োজন কৰা বৈঠক স্থগিত কৰা হৈছে। সূত্ৰসমূহে জানিবলৈ দিয়া মতে সেইটোৱেই খবৰ। জানিব পৰা…
প্ৰদূষণৰ উৎসৱ! বিশ্বৰ প্ৰদূষিত দহ চহৰৰ তালিকাত দিল্লীসহ দেশৰ তিনি চহৰ
দেওবাৰে সমগ্ৰ দেশে পালন কৰিলে পোহৰৰ উৎসৱ দেৱালী। পিছে পোহৰৰ উৎসৱটি যেন হৈ পৰিছে প্ৰদূষণৰহে উৎসৱ। দেশ দেৱালীৰ আনন্দত মতলীয়া হোৱাৰ সময়তে…
অৱশেষত সফলতা! মণিপুৰত থানাৰ পৰা লুটপাত হোৱা মাৰণাস্ত্ৰৰ কিছু উদ্ধাৰ
অগ্নিগৰ্ভৰ মণিপুৰৰ পৰিস্থিতি সম্পূৰ্ণৰূপে এতিয়াও শাম কটা নাই। হিংসাত্মক ঘটনাৰ পৰিপ্ৰেক্ষিতত এতিয়াও অশান্ত হৈ আছে ৰাজ্যখন। তাৰ মাজতে কিছু সফলতা লাভ কৰিছে…
ক’ভিড পৰিস্থিতিৰ মাজতে উন্নয়নৰ ধাৰা অব্যাহত ৰখাৰ প্ৰতিশ্ৰুতি বিত্তমন্ত্ৰী অজন্তা নেওগৰ
মন্ত্ৰিত্ব লাভ কৰাৰ পাছত বৃহস্পতিবাৰে প্ৰথমবাৰলৈ গৃহ সমষ্টি গোলাঘাটত উপস্থিত হ’য় ৰাজ্যৰ প্ৰথমগৰাকী মহিলা বিত্তমন্ত্ৰী তথা সমাজ কল্যাণ মন্ত্ৰী অজন্তা নেওগ। উপস্থিত…