তামুলপুৰ-ঘগ্ৰাপাৰ সংযোগী পথৰ দুৰৱস্থাই জ্বলা কলা খুৱাইছে ৰাইজক, নিৰ্বিকাৰ চৰকাৰ

বাক্সা আৰু নলবাৰী জিলাৰ অন্তৰ্গত তামুলপুৰ – ঘগ্ৰাপাৰ সংযোগী পথটোৰ দুৰৱস্থাই ৰাইজক খুৱাইছে জ্বলা কলা।

জনসাধাৰণৰ বাবে এইটো এটা অতি গুৰুত্বপূৰ্ণ পথ ।

অতি পুৰণি এই গড়কাপ্তানি পথটোৰ দুৰৱস্থাৰ বাবে সৰ্বসাধাৰণ ৰাইজে জীয়াতু ভুগিবলগীয়া হৈছে।

বিশেষকৈ  তামুলপুৰ মহকুমা সদৰৰ পৰা পশ্চিম তামুলপুৰৰ গোঁসাই কমল আলিলৈ প্ৰায় আঠ কিলোমিটাৰ দৈৰ্ঘ্যৰ এই পথছোৱা কিছুদিন আগতে পকীকৰণ কৰা হৈছিল যদিও সম্প্ৰতি পথছোৱাৰ কেইবা ঠাইতো গাঁতৰ সৃষ্টি হৈছে ।

ঠায়ে ঠায়ে পকী বোৰ ভাঙি যাবলৈ ধৰিছে ।

পথছোৱাৰ দুয়োকাষৰ অৱস্থাও তথৈবচ হৈ পৰিছে।

উল্লেখযোগ্য যে এই পথছোৱাৰে নিতৌ ছাত্ৰ- ছাত্ৰী, ৰোগী, কৃষককে ধৰি বিভিন্ন শ্ৰেণীৰ ৰাইজৰ আহ যাহ চলে ।

সেয়েহে এই পথছোৱা পুনৰ পকীকৰণ কৰি যাতায়তৰ সু ব্যৱস্থা কৰি দিবলৈ চৰকাৰক দাবী জনাইছে পশ্চিম তামুলপুৰ শাখা ছাত্ৰ সন্থাই।

অন্যথা তীব্ৰ গণতান্ত্ৰিক আন্দোলন গঢ়ি তোলাৰ হুংকাৰ দিছে ছাত্ৰ সংগঠনটোৱে।