কেন্দ্ৰীয় আইন মন্ত্ৰী ৰিজিজুৰ পৰা নিষ্ক্ৰিয় ৰাজনৈতিক দলৰ নামকটাৰ ক্ষমতা বিচাৰিলে নিৰ্বাচন আয়োগে

ভাৰতৰ নিৰ্বাচন আয়োগে দেশৰ নিষ্ক্ৰিয় ৰাজনৈতিক দলসমূহৰ নাম তালিকাৰ পৰা কটাৰ ক্ষমতা বিচাৰিছে।

শেহতীয়াকৈ ভাৰতীয় নিৰ্বাচন আয়োগৰ এটা দলে কেন্দ্ৰীয় আইন মন্ত্ৰী কিৰেন ৰিজিজুক সাক্ষাৎ কৰি বিষয়টো আলোচনা কৰে।

আয়োগৰ দলটোৱে লগতে আধাৰৰ সৈতে ভোটাৰ পৰিচয় পত্ৰৰ লিংক কৰাৰ দৰে আন বিষয়সমূহো আলোচনা কৰে।

তেওঁলোকে মন্ত্ৰ্যালয়ত পৰি থকা কেইবাটাও সংস্কাৰৰ বিষয় আইন মন্ত্ৰীগৰাকীক অৱগত কৰে।

নিৰ্বাচন আয়োগে দশক ধৰি নিৰ্বাচনত প্ৰতিদ্বন্দ্বিতা নকৰা অথচ বৰঙণিৰ ওপৰত কৰ ৰেহাইৰ সুবিধা লৈ থকা ৰাজনৈতিক দলসমূহৰ বিৰুদ্ধে ব্যৱস্থা গ্ৰহণৰ ক্ষমতা বিচাৰিছে।

লগতে পঢ়ক: অৱশেষত উদ্ধাৰ হল মাজুলীৰ নাও দুৰ্ঘটনাত নিখোজ হৈ থকা ইন্দ্ৰেশ্বৰ বৰাৰ মৃতদেহ

পাঁচখন ৰাজ্যত অনুষ্ঠিত হ’বলগীয়া বিধানসভাৰ নিৰ্বাচনৰ প্ৰতি লক্ষ্য ৰাখি নিৰ্বাচন আয়োগে ৰাজনৈতিক দলসমূহৰ পৰা তথ্য সংগ্ৰহৰ প্ৰক্ৰিয়া আৰম্ভ কৰাৰ লগতে তেওঁলোকৰ লগত থকা বিভিন্ন দলৰ তথ্য পৰীক্ষণ কৰি আছে।

ভাৰতত পঞ্জীকৃত অথচ অস্বীকৃত প্ৰায় ২৭০০টা ৰাজনৈতিক দল আছে।

বাতৰি অনুসৰি, কেন্দ্ৰীয় আইন মন্ত্ৰীগৰাকীয়ে ভাৰতৰ নিৰ্বাচন আয়োগৰ অনুৰোধৰ প্ৰতি সোনকালেই সিদ্ধান্ত লোৱাৰ সম্ভাৱনা আছে।