সংগ্ৰামী যুৱ ছাত্ৰ পৰিষদ, বিশ্বনাথ জিলা সমিতিৰ উদ্যোগত বিশ্বনাথ চাৰিআলিত তিনিঘণ্টীয়া অৱস্থান ধৰ্মঘট কাৰ্যসূচী

সোমবাৰে সংগ্ৰামী যুৱ ছাত্ৰ পৰিষদ অসম, বিশ্বনাথ জিলা সমিতিৰ উদ্যোগত আৰু বিশ্বনাথ চাৰিআলি আঞ্চলিক সমিতিৰ সহযোগত বিশ্বনাথ চাৰিআলি নগৰৰ মাজমজিয়াত তিনিঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰা হয়।

উল্লেখযোগ্য যে অৱস্থান ধৰ্মঘট কাৰ্যসূচীৰ জৰিয়তে অসম চৰকাৰক অসমত বিগত সময়ত বিভিন্ন প্ৰাকৃতিক দুৰ্যোগৰ ফলত সৰ্বহাৰা হোৱা লোকসকলক অতি শীঘ্ৰে পুনৰ সংস্থাপনৰ বৱ্যস্থা কৰা, অসমৰ খিলঞ্জীয়া লোকসকলক মাটিৰ পট্টা প্ৰদান কৰাৰ লগতে অসমত এখন শক্তিশালী ভূমি আইন প্ৰনয়ন কৰা দাবী জনায়।

ধৰ্মঘট কাৰ্যসূচীটোত সংগ্ৰামী যুৱ ছাত্ৰ পৰিষদ, অসমৰ কেন্দ্ৰীয় সহকাৰী সাধাৰণ সম্পাদক আৰু প্ৰচাৰ সম্পাদক ক্ৰমে দিব্যজ্যোতি বৰুৱা আৰু জোনমনি দাস, বিশ্বনাথ জিলাৰ সভাপতি-সম্পাদক ক্ৰমে নিত্যানন্দ দাস আৰু ভাস্কৰ দাস, বিশ্বনাথ চাৰিআলি আঞ্চলিক সমিতিৰ সভাপতি বিজিত শইকীয়া, সাঃসম্পাদক পল্লৱ কাকতি, বিহালী আঞ্চলিক সমিতিৰ সভাপতি বিতুপন লহকৰ, সাঃসম্পাদক বিজিত বিশ্ব বৰুৱা, নদুৱাৰ আঞ্চলিক সমিতিৰ সভাপতি অনিল বৰা, সাঃসম্পাদক তপন কুমাৰ ডেকা, জিনজিয়া আঞ্চলিক সমিতিৰ সভাপতি অৱতাৰ কুমাৰ তাঁতী উপস্থিত থকাৰ লগতে সংগঠনকেইটাৰ আৰু বহু সংখ্যক সদস্য উপস্থিত থাকে।

আনহাতে তিনিঘণ্টীয়া অৱস্থান ধৰ্মঘটৰ পিছতে বিশ্বনাথৰ উপয়ুক্তৰ জৰিয়তে অসমৰ মুখ্য মন্ত্ৰীলৈ এখন স্মাৰকপত্ৰ প্ৰেৰণ কৰে।