গুৱাহাটীত প্ৰথম বাৰৰ বাবে মুকলি হ’ল ‘ৰেচিপি ট্ৰেইন ৰেষ্টোৰাঁ’
সোমবাৰে গুৱাহাটীত এক নতুন ধাৰণাৰে মুকলি কৰা হ’ল ৰেলগাড়ীৰে খাদ্য পৰিৱেশন কৰা এখন ৰেষ্টোৰাঁ। ‘ৰেচিপি ট্ৰেইন ৰেষ্টোৰাঁ’ নামৰ এই ৰেষ্টোৰাঁখনত গ্ৰাহকসকলক ৰেলগাড়ীৰে খাদ্য পৰিৱেশন কৰাৰ এক সম্পূৰ্ণ নতুন ধাৰণাক বাস্তৱায়িত কৰা হৈছে।
সোমবাৰে গুৱাহাটীৰ জি এছ ৰোডৰ এ বি চি এলেকাত এই নতুন ৰেষ্টোৰাঁখন উদ্বোধন কৰে উ: পূ: সীমান্ত ৰেলৱেৰ জন সম্পৰ্কৰক্ষী বিষয়া নৃপেন ভট্টচাৰ্যি, এমট্ৰনৰ উপ–সভাপতি ঋতুবৰণ শৰ্মা আৰু জনপ্ৰিয় গায়ক দীক্ষুয়ে।
এই ৰেষ্টোৰাঁখনৰ বিশেষত্ব হৈছে দুটা বেলেগ বেলেগ ট্ৰেকৰে ৪খন সৰু সৰু ৰেলগাড়ীয়ে গ্ৰাহকসকলক খাদ্য পৰিৱেশন কৰিব। য’ত দূৰ জানিব পৰা গৈছে, এনে ধৰণৰ ট্ৰেইন ৰেষ্টোৰা এই এলেকাত এইখনেই প্ৰথম।
গুৱাহাটীত ভাৰতীয়, চাইনীজ, ভিয়েটনামী আৰু কোৰিয়ান খাদ্য সম্ভাৰ যোগান ধৰা অসংখ্য ৰেষ্টোৰাঁ থকা সময়তে ক্ষুদ্ৰ নমুনা ৰেলগাড়ীৰে গ্ৰাহকক খাদ্য পৰিৱেশন কৰা ধাৰণাটোৱে এই ৰেষ্টোৰাঁখনক এক সুকীয়া মৰ্যাদা দিব বুলি ধাৰণা কৰা হৈছে।
You may also like
দক্ষতা বিকাশ প্ৰতিষ্ঠান,গুৱাহাটীৰ শিক্ষাৰ্থীক প্ৰমাণপত্ৰৰ লগতে নিযুক্তি পত্ৰ প্ৰদান কৰিলে কেন্দ্ৰীয় মন্ত্ৰী ৰামেশ্বৰ তেলিয়ে
কেন্দ্ৰীয় পেট্ৰ’লিয়াম আৰু প্ৰাকৃতিক গেছ তথা শ্ৰম আৰু নিয়োগ দপ্তৰৰ ৰাজ্যিক মন্ত্ৰী ৰামেশ্বৰ তেলিয়ে আজি দক্ষতা বিকাশ প্ৰতিষ্ঠান,গুৱাহাটীৰ সফলতাৰে প্ৰশিক্ষণ সমাপ্ত কৰা…
দেখাত মানুহৰ হাতৰ দৰে লগা গছৰ ঠেঙুলিক লৈ ডিমৌত ব্যাপক উৎসুকতা
আজি শিৱসাগৰ জিলাৰ ডিমৌত দেখাত মানুহৰ হাতৰ দৰে লগা গছৰ এটা ঠেঙুলিক লৈ মানুহৰ মাজত ব্যাপক উৎসুকতা দেখা গ’ল। জানিব পৰা মতে,…
চাণক্য নীতি: পত্নীক সদায় সুখী আৰু সন্তুষ্ট কৰি ৰাখিব বিচাৰে? মানি চলক কুকুৰৰ এই ৪টা গুণ!
প্ৰতিজন ব্যক্তিয়ে নিজৰ জীৱনত আচাৰ্য চাণক্যৰ শিক্ষা লোৱা উচিত। তেওঁ মানুহক দক্ষ জীৱন যাপন কৰিবলৈ বহু নীতি দিছিল। তেওঁ চাণক্য নীতিত বহু…
এপিএছচি কেলেংকাৰী : দালালৰ বিৰুদ্ধেও অভিযান চলোৱাৰ প্ৰস্তুতি
এপিএছচিত ধনৰ বিনিময়ত চাকৰি লোৱা বৃহৎ কেলেংকাৰীৰ তদন্তৰ দিশত আৰক্ষীয়ে চূড়ান্ত পৰ্যায়ত উপনীত হৈছে। ইতিমধ্যে গ্ৰেপ্তাৰ হোৱা এচিএছ বিষয়াকে ধৰি আন বিষয়াসকলৰ…