‘সূৰ্য চক্ৰ’ ৰে সন্মানিত হ’ল অসম ৰাইফলছৰ ৰাইফলমেল অসমৰ প্ৰণৱ জ্যোতি দাস

অসম ৰাইফলছৰ ৰাইফলমেন প্ৰণৱ জ্যোতি দাসক ৰাষ্ট্ৰপতি ৰামনাথ কোবিন্দে শৌৰ্য চক্ৰৰে সন্মানিত কৰিছে। অৰুণাচল প্ৰদেশৰ লংডিঙত এক অভিযানৰ সময়ত প্ৰদৰ্শন কৰা চৰম সাহসিকতা আৰু দক্ষতাৰ বাবে দাসক এই সন্মান প্ৰদান কৰা হয়।

এই তথ্য প্ৰকাশ কৰি অসম ৰাইফলছে নিজৰ টুইটাৰ হেণ্ডেলত লিখিছে: “২০২০ চনত অৰুণাচল প্ৰদেশৰ লংডিঙত এক অভিযানৰ সময়ত প্ৰদৰ্শিত চৰম সাহসিকতা আৰু দক্ষতাৰ বাবে ২২ নৱেম্বৰত ৬ অসম ৰাইফলছৰ আৰএফএন প্ৰণৱ জ্যোতি দাসক সন্মানীয় শৌৰ্য চক্ৰৰে সন্মানিত কৰা হৈছে।”

ASSAM RIFLES SOLDIER DECORATED WITH THE PRESTIGIOUS SHAURYA CHAKRA
Rfn Pranab Jyoti Das of 6 Assam Rifles, on 22 Nov, was decorated with the prestigious Shaurya Chakra for his extreme bravery & courage displayed during an operation in Longding, Arunachal Pradesh in the year 2020. pic.twitter.com/E95bkvJwha

— The Assam Rifles (@official_dgar) November 23, 2021

২০২০ চনত অৰুণাচল প্ৰদেশত এক অভিযানৰ সময়ত ৰাইফলমেন প্ৰণৱ জ্যোতি দাসে দুজন বিদ্ৰোহীক নিষ্ক্ৰিয় কৰে আৰু এজন আহত সৈনিকক সুৰক্ষিতভাৱে স্থানান্তৰ কৰিবলৈ সক্ষম হয়।

ফেচবুকত এখন ফটো শ্বেয়াৰ কৰি ৰাষ্ট্ৰপতিৰ কাৰ্যালয়ে লিখিছে, “ৰাষ্ট্ৰপতি কোবিন্দে অসম ৰাইফলছৰ ষষ্ঠ বেটেলিয়নৰ ৰাইফলমেন প্ৰণৱ জ্যোতি দাসক শৌৰ্য চক্ৰ সন্মান প্ৰদান দিয়ে। তেওঁ অৰুণাচল প্ৰদেশত দুজন বিদ্ৰোহীক নিষ্ক্ৰিয় কৰি আৰু এজন আহত সৈনিকক সুৰক্ষিত স্থানলৈ স্থানান্তৰ কৰি সাহসিকতা আৰু অতুলনীয় যুঁজাৰু মনোভাৱ প্ৰদৰ্শন কৰিছিল।”