আম্বানীক পিছলৈ ঠেলি দেশ তথা এছিয়াৰে আটাইতকৈ ধনৱন্ত ব্যক্তিলৈ পৰিণত আদানী
বুধবাৰে আদানি গ্ৰুপৰ প্ৰতিষ্ঠাপক আৰু অধ্যক্ষ গৌতম আদানীয়ে ৰিলায়েন্স ইণ্ডাষ্ট্ৰিজ লিমিটেডৰ অধ্যক্ষ মুকেশ আম্বানীক পিছলৈ ঠেলি ভাৰতৰ লগতে এছিয়াৰ আটাইতকৈ ধনী ব্যক্তি হিচাপে পৰিগণিত হয়।
প্ৰতিবেদন অনুসৰি এপ্ৰিল ২০২০-ৰ পৰা আদানিৰ মুঠ সম্পত্তি যথেষ্ট বৃদ্ধি পাইছে। ২০২০ চনৰ ১৮ মাৰ্চত তেওঁৰ মুঠ সম্পত্তি আছিল ৪.৯১ বিলিয়ন আমেৰিকান ডলাৰ।
যোৱা ২০ মাহত গৌতম আদানিৰ মুঠ সম্পত্তি ১৮০৮ শতাংশ বৃদ্ধি হৈ ৮৩.৮৯ বিলিয়ন আমেৰিকান ডলাৰ হৈছেগৈ।
একে সময়তে মুকেশ আম্বানীৰ মুঠ সম্পত্তি ২৫০ শতাংশ অৰ্থাৎ ৫৪.৭ বিলিয়ন আমেৰিকান ডলাৰ বৃদ্ধি হৈছে।
ইয়াৰ পূৰ্বে ব্লুমবাৰ্গ বিলিয়নেয়াৰ ইণ্ডেক্সে প্ৰতিবেদনত প্ৰকাশ কৰিছিল যে আদানিৰ বৰ্তমানৰ মুঠ সম্পত্তি হৈছে ৮৮.৮ বিলিয়ন আমেৰিকান ডলাৰ যি ৰিলায়েন্স ইণ্ডাষ্ট্ৰিজ লিমিটেডৰ অধ্যক্ষ মুকেশ আম্বানীৰ মুঠ মূল্যতকৈ মাত্ৰ ২.২ বিলিয়ন আমেৰিকান ডলাৰ কম।
ET-ৰ এক প্ৰতিবেদন অনুসৰি শেহতীয়াকৈ O2C চুক্তি বাতিল কৰাৰ পিছত ৰিলায়েন্স ইণ্ডাষ্ট্ৰিজৰ শ্বেয়াৰ চাপত আছিল আৰু ১.০৭ শতাংশ হ্ৰাস হৈ ২,৩৬০.৭০ টকাত আছিল।
আনহাতে আদানি গোটৰ ষ্টকবোৰে এই সময়ছোৱাত অধিক ব্যৱসায় কৰি আছিল। আদানি এণ্টাৰপ্ৰাইজেছ ২.৯৪ শতাংশ বৃদ্ধি হৈ ১৭৫৭.৭০ টকাত আছিল। আদানি বন্দৰ ৪.৮৭ শতাংশ বৃদ্ধি হৈ ৭৬৪.৭৫ টকালৈ বৃদ্ধি পাইছে। আদানি ট্ৰেন্সমিছনে ০.৫০ শতাংশ লাভ কৰি ১,৯৫০.৭৫ টকালৈ বৃদ্ধি কৰিছে। আনহাতে আদানি পাৱাৰৰ শ্বেয়াৰসমূহেও ০.৩৩ শতাংশ যোগ কৰি ১০৬.২৫ টকা কৰিছে।
উল্লেখ্য যে, প্ৰধান মন্ত্ৰী মোদীৰ ঘনিষ্ঠ হিচাপে পৰিচিত আদানীৰ বিজেপি চৰকাৰ শাসনলৈ অহাৰ পিছৰে পৰা ব্যৱসায়ত চমকপ্ৰদ উত্থান হয়। আদানী দেশৰ আটাইতকৈ ধনৱন্ত ব্যক্তি হিচাপে পৰিগণিত হোৱাৰ পাছত এইয়া মোদীৰে ঘনিষ্ঠতাৰ ফচল হিচাপেই অভিহিত কৰিছে বিভিন্নজনে।
You may also like
ছেৰফাংগুৰিৰ আঠিয়াবাৰীত ভূটানৰ হাবিৰ পৰা ওলাই অহা বনৰীয়া গৰুৰ সন্ত্ৰাস
কোকৰাঝাৰ জিলাৰ ছেৰফাংগুৰি আৰক্ষী থানাৰ অন্তৰ্গত আঠিয়াবাৰী এলেকাত হঠাৎ ভূটানৰ পৰা অহা দুটা বনৰীয়া গৰু আৱিৰ্ভাৱে স্থানীয় বাসিন্দাসকলৰ মাজত এক আতংকময় পৰিৱেশৰ…
মামাল্লাপুৰমৰ সাগৰ তীৰত পেলনীয়া-প্লাষ্টিক বুটলি প্ৰধান মন্ত্ৰী মোদীৰ স্বচ্ছতাৰ অভিযান
চীনৰ ৰাষ্ট্ৰপতি জি জিনপিঙৰ সৈতে দ্বিতীয়লানি বৈঠক আৰম্ভ হোৱাৰ পূৰ্বে প্ৰধান মন্ত্ৰী নৰেন্দ্ৰ মোদীয়ে শনিবাৰে ৰাতিপুৱাই মামাল্লাপুৰমৰ সাগৰ তীৰত পেলনীয়া বুটলি ফুৰা…
শীৰ্ষ বিষয়া জড়িত থকা চুপাৰি কেলংকাৰিৰ তদন্ত কৰিব অসম আৰক্ষীয়ে
তামোলৰ ব্যৱসায়ী, শীৰ্ষ নিৰাপত্তা বিষয়া আৰু চোৰাং কাৰবাৰী জড়িত থকা শুকান চুপাৰি কেলেংকাৰিৰ তদন্ত কৰাৰ সিদ্ধান্ত গ্ৰহণ কৰিছে অসম আৰক্ষীয়ে। কেলেংকাৰিটোৰ তদন্তৰ…
নলা আৰু চেপ্টিক টেংক চাফাই কৰ্মীৰ ৯২ শতাংশই অনুসূচিত জাতি, অনুসূচিত জনজাতি আৰু অন্যান্য পিছপৰা শ্ৰেণীৰঃ কেন্দ্ৰীয় চৰকাৰ
নলা চাফাই কৰ্মীকে ধৰি চেপ্টিক টেংক চাফাই কৰ্মীৰ ৯২ শতাংশই অনুসূচিত জনজাতি, অন্যান্য পিছপৰা শ্ৰেণীৰ। এই তথ্য চৰকাৰী পৰিসংখ্যাত চৰ্চালৈ আহিছে। ২৯খন…