Axar Patel: ক্ৰিকেট ইতিহাসত বিৰল কৃতিত্ব ৰচিলে ভাৰতীয় স্পীনাৰ অক্ষৰ পেটেলে

Axar Patel ভাৰত আৰু নিউজিলেণ্ডৰ মাজত কানপুৰত চলি থকা টেষ্টখনত ক্ৰিকেটৰ ইতিহাসত বিৰল কৃতিত্ব ৰচিলে বাঁওহতীয়া ভাৰতীয় স্পীনাৰ অক্ষৰ পেটেল। নিজৰ টেষ্ট কেৰিয়াৰৰ সপ্তমটো ইনিংছতেই অক্ষৰে পাঁচবাৰকৈ ৫টা উইকেট লোৱাৰ অভিলেখ গঢ়ে।

কানপুৰ টেষ্টৰ নিউজিলেণ্ডৰ প্ৰথম ইনিংছত অক্ষৰ পেটেলে ৰজ টেইলৰ, হেনৰি নিকোলাছ, টম লাথাম, টম ব্লাণ্ডেল আৰু ৰচীন ৰবীন্দ্ৰৰ উইকেট দখল কৰে।

ইয়াৰ পূৰ্বে ১৮৮৭-৮৮ চনত অষ্ট্ৰেলিয়াৰ বলাৰ চাৰ্লি টাৰ্নাৰ আৰু ১৮৯৩-৯৪ চনত ইংলেণ্ডৰ টম ৰিছাৰ্ডছনে টেষ্টত পাঁচবাৰ ৫টাকৈ উইকেট লোৱাৰ কৃতিত্ব ৰচিছিল।

Also Read: Covid-19 Update দেশত সংক্ৰমণ নিয়ন্ত্ৰণত থাকিলেও পুনৰ বৃদ্ধি পালে কৰ’নাৰ দৈনিক মৃত্যুৰ সংখ্যা

অৱশ্যে, ১৯৭৮ চনত অষ্ট্ৰেলিয়াৰ পেচাৰ ৰডনি হগে নিজৰ তৃতীয়খন টেষ্টত ছয় নম্বৰ ইনিংছত পাঁচবাৰ ৫টাকৈ উইকেট লোৱাৰ অভিলেখ গঢ়িছিল। সেইদৰে, আটাইতকৈ কম ইনিংছত পাঁচবাৰ ৫টাকৈ উইকেট লোৱাৰ অভিলেখ হগৰ নামতে সংৰক্ষিত হৈ আছে।

অক্ষৰে কেৰিয়াৰৰ চতুৰ্থ টেষ্ট খেলিবলৈ নামি এটা ইনিংছত ৫টা উইকেট দখল কৰি উৎফুল্লিত হৈ পৰিছে। স্বাভাৱিকতে নিউজিলেণ্ডৰ ইনিংছত ত্ৰাসৰ সৃষ্টি কৰি অক্ষৰে ভাৰতক খেলখনৰ মাজলৈ ঘুৰাই অনাত গুৰুত্বপূৰ্ণ ভূমিকা গ্ৰহণ কৰে।

Also Read: P Chidambaram: চিবিআই-ইডিৰ চাৰ্জশ্বীট পৰীক্ষা কৰি পি চিদাম্বৰম আৰু তেওঁৰ পুত্ৰক দিল্লীৰ আদালতৰ তলব

২০২১চনত ইংলেণ্ডৰ বিৰুদ্ধে টেষ্ট কেৰিয়াৰ আৰম্ভ কৰিছিল অক্ষৰে। অভিষেক টেষ্ট ছিৰিজত মুঠতে ২৭টা উইকেট দখল কৰি ভাৰতৰ বিজয়ত বিশেষ অৰিহনা যোগাইছিল অক্ষৰ পেটেলে।

কানপুৰত চলিত নিউজিলেণ্ডৰ বিৰুদ্ধে প্ৰথমখন টেষ্টৰ প্ৰথম ইনিংছত অক্ষৰে ৩৪অভাৰ বল কৰি ৬২ৰাণ দি ৫টা উইকেট দখল কৰিছে।