অমিক্ৰনৰ ত্ৰাস: ১৫ ডিচেম্বৰৰ পৰা ভাৰতত আৰম্ভ নহয় আন্তঃৰাষ্ট্ৰীয় বিমান সেৱা

কোভিডৰ দক্ষিণ আফ্ৰিকাৰ প্ৰজাতি অমিক্ৰনৰ ত্ৰাস এতিয়া সমগ্ৰ বিশ্বতে বিয়পি পৰিছে। এনে পৰিস্থিতিত ভাৰতে ১৫ ডিচেম্বৰৰ পৰা যি আন্তঃৰাষ্ট্ৰীয় বিমান চলাচলৰ কথা ঘোষণা কৰিছিল সেয়া প্ৰত্যাহাৰ কৰিছে। অসামৰিক বিমান পৰিবহন দপ্তৰে এই কথা প্ৰকাশ কৰিছে।

উল্লেখ্য কোভিডৰ প্ৰথম সংক্ৰমণৰ সময়ত ২০২০ চনৰ মাৰ্চ মাহত ভাৰতে আন্তঃৰাষ্ট্ৰীয় বিমানৰ চলাচল নিষিদ্ধ কৰিছিল। ইয়াৰ পিছত কোভিড পৰিস্থিতিৰ সামান্য উন্নতি ঘটাত ২০২০ চনৰ জুন মাহত চৰকাৰে সীমিত সংখ্যক আন্তঃৰাষ্ট্ৰীয় বিমানৰ উৰণত অনুমতি দিছিল।

উল্লেখ্য ভাৰতে ১৫ ডিচেম্বৰৰ পৰা আন্তঃৰাষ্ট্ৰীয় বিমান চলাচল পুনৰ আৰম্ভ কৰিব বুলি ঘোষণা কৰিছিল। অসামৰিক বিমান পৰিবহন মন্ত্ৰালয়ে শুক্ৰবাৰে সন্ধিয়া কৈছিল যে “বিষয়টো পুনৰীক্ষণ কৰা হৈছে আৰু কৰ্তৃপক্ষই আন্তঃৰাষ্ট্ৰীয় বিমান পৰিবহণ পুনৰ আৰম্ভ কৰাৰ সিদ্ধান্ত লৈছে।”

ভাৰতৰ পৰা অহা-যোৱা কৰা বাণিজ্যিক আন্তঃৰাষ্ট্ৰীয় যাত্ৰী সেৱা পুনৰ আৰম্ভ কৰাৰ বিষয়ে গৃহ মন্ত্ৰালয়, বৈদেশিক পৰিক্ৰমা আৰু স্বাস্থ্য মন্ত্ৰালয়ৰ সৈতে আলোচনা কৰি পৰীক্ষা কৰা হৈছে বুলি মন্ত্ৰালয়ে উল্লেখ কৰিছিল।

বিমান মন্ত্ৰালয়ে লগতে কয় যে স্বাস্থ্য মন্ত্ৰালয়ে বিপদসংকূল হিচাপে মনোনীত কৰা ১৪ খন দেশ আৰু ‘এয়াৰ বাবল’ চুক্তিৱদ্ধ দেশসমূহক বিমান পৰিবহন পুনৰ আৰম্ভ কৰিবলৈ অনুমতি দিয়া হ’ব বুলি কোৱা হৈছিল।

যোৱা সপ্তাহত অসামৰিক বিমান পৰিবহন মন্ত্ৰী জ্যোতিৰাদিত্য সিন্ধিয়াই কৈছিল যে চৰকাৰে আন্তৰ্জাতিক বিমান পৰিচালনা স্বাভাৱিক কৰাৰ প্ৰক্ৰিয়াৰ মূল্যাঙ্কন কৰি আছে। কিন্তু অমিক্ৰনে সৃষ্টি কৰা ত্ৰাসৰ পৰিপ্ৰেক্ষিতত সেই সিদ্ধান্ত বাতিল কৰা হয়।

গুৰুত্বপূৰ্ণ কথাটো হ’ল কোভিডৰ নৱ সংস্কৰণ অমিক্ৰণ ভাইৰাছ আহি অৱশেষত ভাৰত পালেহি। আজি দক্ষিণৰ ৰাজ্য কৰ্ণাটকত প্ৰথমবাৰৰ বাবে দুজন লোকৰ দেহত ধৰা পৰে মাৰাত্মক অমিক্ৰনৰ উপস্থিতি।

কেন্দ্ৰীয় স্বাস্থ্য দপ্তৰে এই কথা নিশ্চিত কৰিছে। কেন্দ্ৰীয় স্বাস্থ্য দপ্তৰৰ যুটীয়া সচিব লাভ আগৰৱালাই কয় যে দেশত প্ৰথম বাৰৰ বাবে ধৰা পৰিছে অমিক্ৰনৰ উপস্থিতি। কোভিডৰ এই ভাইৰাছ বিধত আক্ৰান্ত দুয়োগৰাকী লোকেই কৰ্ণাটকৰ বুলি তেওঁ প্ৰকাশ কৰে। উল্লেখ্য অমিক্ৰন ভাইৰাছ প্ৰথমে দক্ষিণ আক্ৰিকাত চিনাক্ত হোৱাৰ পিছতে বিশ্বৰ ২৯ খন দেশত বিয়পি পৰিছে। ভাৰত চৰকাৰে ইতিমধ্যে অমিক্ৰনৰ সংক্ৰমন ৰোধ কৰাৰ বাবে বিভিন্ন পদক্ষেপ গ্ৰহণ কৰিছে।