এছিয়ান চেম্পিয়নশ্বিপ ট্ৰফী হকী: পাকিস্তানক ৩-১ ব্যৱধানত পৰাস্ত কৰিলে ভাৰতে

এছিয়ান চেম্পিয়নশ্বিপ ট্ৰফী হকীত নিজৰ অপৰাজেয় ধাৰা অব্যাহত ৰাখিছে ভাৰতীয় হকী দলে। আজি তৃতীয় ৰাউণ্ড ৰবিন পৰ্যায়ৰ খেলত ভাৰতে পাকিস্তানক ৩-১ গ’লত পৰাস্ত কৰে।

মেচখনত দুটাকৈ পেনাল্টি কৰ্ণাৰ গললৈ ৰূপান্তৰ কৰি ভাৰতৰ জয়ত মুখ্য ভূমিকা লয়। আন এটা গল স্ক’ৰ কৰে আকাশদীপ সিঙে। পাকিস্তানৰ হৈ জুনেইদ মঞ্জুৰে তৃতীয় কোৱাৰ্টাৰত এটা গল স্ক’ৰ কৰি পৰাজয়ৰ ব্যৱধান হ্ৰাস কৰে।

টকিঅ’ অলিম্পিকৰ ব্ৰঞ্জ পদক বিজয়ী ভাৰতে এই পৰ্যন্ত টুৰ্নামেণ্টত অপৰাজেয় ধাৰা অক্ষুন্ন ৰাখিছে। ইয়াৰ পূৰ্বৰ খেলত ভাৰতে আয়োজক বাংলাদেশক ৯-০ গ’লত ধৰাশায়ী কৰিছিল।

গ্ৰুপৰ আন এখন মেচত ভাৰতে কোৰিয়াৰ সৈতে ২-২ ব্যৱধানত ড্ৰ খেলিছিল। ভাৰতে ৩ খন খেলৰ পৰা ৭ পইণ্ট লাভ কৰি তালিকাৰ শীৰ্ষত আছে।

আজিৰ জয়েৰে ভাৰতে এছিয়ান চেম্পিয়নশ্বিপ ট্ৰফী হকী টুৰ্ণামেণ্টৰ ছেমিফাইনেলত স্থান নিশ্চিত কৰিছে। উল্লেখ্য মাস্কটত অনুষ্ঠিত প্ৰতিযোগিতাখনৰ অন্তিম সংস্কৰণত ভাৰত আৰু পাকিস্তান যুটীয়া বিজয়ী আছিল।