গ্ৰাম্যাঞ্চলৰ ক্ৰীড়া প্ৰতিভাসমূহ উলিয়াই অনাৰ লক্ষ্যৰে টীয়কত অনুষ্ঠিত সাংসদ কাপ ক্ৰীড়া

সমগ্ৰ অসমতে গ্ৰাম্যাঞ্চলৰ ক্ৰীড়া প্ৰতিভাসমূহ উলিয়াই অনাৰ স্বাৰ্থত সাংসদ কাপ অনুষ্ঠিত হৈছে।

তাৰে অংশ হিচাপে ‘সংকল্প আমাৰ সুৰক্ষিত বিকশিত অসম’ লক্ষ্যৰে ভাৰতীয় জনতা পাৰ্টী যোৰহাট জিলাৰ ক্ৰীড়া কোষৰ উদ্যোগত ১০২নং টীয়ক বিধান সভা সমষ্টিৰ কলিয়াপানী আৰু চিপাহীখোলা মণ্ডলৰ সহযোগত দেওবাৰে কাকজান খেলপথাৰত পুৰুষৰ ভলীবল আৰু মহিলাৰ কাবাডী প্ৰতিযোগিতা সাংসদ কাপ অনুষ্ঠিত কৰা হয়।

উক্ত প্ৰতিযোগিতাখনিত টীয়ক সমষ্টিৰ কেওখন পঞ্চায়তৰে পৰা দুয়োটা বিভাগতে প্ৰতিযোগীয়ে অংশগ্ৰহণ কৰে।

লগতে পঢ়ক: শিৱসাগৰ আৰক্ষীৰ জালত উজনিৰ গৰু চিণ্ডিকেটৰ মাষ্টাৰমাইণ্ড বিজেপি নেতা ছত্ৰধৰ গগৈ

উক্ত প্ৰতিযোগিতাত যোৰহাট লোকসভা সমষ্টিৰ সাংসদ তপন কুমাৰ গগৈ, ৰাজ্য সভাৰ সাংসদ কামাখ্যা তাচাকে প্ৰমুখ্য কৰি ভালেসংখ্যক দলীয় কৰ্মকৰ্তা উপস্থিত থাকে।

এই ক্ৰীড়াৰ পৰিবেশে সকলোৰে মাজত ভাতৃত্ববোধ তথা সম্প্ৰীতিৰ সেতুডাল আৰু অধিক কটকটীয়া কৰিব তথা উঠি অহা প্ৰতিভাসমূহ উক্ত মজিয়াতে চিনাক্ত হৈ অনাগত দিনত ৰাজ্য তথা দেশলৈ গৌৰব কঢ়িয়াই আনিব বুলি আশা প্ৰকাশ কৰিছে উদ্যোক্তাসকলে।