দুই অসম সন্তানে সফলতা অৰ্জনেৰে ৰাজ্যৰ ক্ৰীড়া জগতলৈ পুনৰ কঢ়িয়াই আনিলে সু-নাম
ৰাজ্যৰ ক্ৰীড়া জগতলৈ পুনৰ দুটাকৈ সু-খবৰ। পুনৰ দেশত উজ্জ্বলিল অসম সন্তান।
উল্লেখযোগ্য যে থাইলেণ্ডৰ ASSUMPTION UNIVERSITYত অনুষ্ঠিত থাইলেণ্ড এইজ গ্ৰুপ চেম্পিয়নশ্বিপত অসম সন্তানে দুটাকৈ পদক অৰ্জনেৰে ৰাজ্যখনলৈ গৌৰৱ কঢ়িয়াই আনিবলৈ সক্ষম হয়।
প্ৰাপ্ত তথ্য মতে এইজ গ্ৰুপৰ চেম্পিয়নশ্বিপৰ ছুইমিঙত বোকাখাতৰ বিক্ৰম চাংমাই আঁজুৰি আনিলে দুটাকৈ পদক। ১৪–১৫ বছৰ শাখাত ১০০ মিটাৰ বাটাৰ ফ্লাইত ৰূপৰ পদক আৰু ৫০ মিটাৰ বাটাৰ ফ্লাইত ব্ৰঞ্জৰ পদক বিক্ৰম চাংমাই লাভ কৰিবলৈ সক্ষম হয়। আনহাতে ৫০ মিটাৰ শাখাত বিক্ৰমে ভংগ কৰিলে ভাৰতীয় অভিলেখ।
আনহাতে পুনেত অনুষ্ঠিত সৰ্বভাৰতীয় আৰ্চাৰীত অৰ্জুন বঁটা বিজয়ী আৰ্চাৰ তথা অসম সন্তান জয়ন্ত তালুকদাৰে প্ৰতিযোগিতাখনত দুটা স্বৰ্ণপদক অৰ্জন কৰিবলৈ সক্ষম হয়। দীৰ্ঘ বিৰতিৰ মূৰত দেশৰ ভিতৰতে পুনৰ শ্ৰেষ্ঠত্বৰ সন্মান অৰ্জন কৰি আৰ্চাৰগৰাকী উৎফুল্লিত হয় বুলি জানিব পৰা গৈছে।
You may also like
শিক্ষক দিৱস: গুৱাহাটীত অসম চৰকাৰৰ কেন্দ্ৰীয় কাৰ্য্যসূচী; ২৩ শিক্ষক, ১০ বিদ্যালয়লৈ বঁটা
অসম চৰকাৰৰ শিক্ষা বিভাগৰ উদ্যোগত গুৱাহাটীৰ শ্ৰীমন্ত শংকৰদেৱ কলাক্ষেত্ৰত বুধবাৰে অনুষ্ঠিত শিক্ষক দিৱসৰ কাৰ্যসূচীত ৰাজ্যৰ ১০খন বিদ্যালয়ক ১ লাখকৈ টকাৰ এককালীন সাহায্য…
১২ ঘণ্টীয়া লাহোৱাল বন্ধক সমৰ্থন স্থানীয় ৰাইজ আৰু দল সংগঠনৰ
সমষ্টিৰ পুনৰ নিৰ্ধাৰণ প্ৰক্ৰিয়াৰ বিৰুদ্ধে বুধবাৰে ১২ ঘণ্টীয়া লাহোৱাল বন্ধ ঘোষণাৰ ফলত জনসাধাৰণৰ মাজত মিশ্ৰিত প্ৰতিক্ৰিয়াৰ সৃষ্টি হৈছে। লাহোৱাল বিধান সভা সমষ্টি…
৪৩টা চাৰি, ২৪টা ছয়, ১৫২টা বলত অপৰাজিত ৪১৯ ৰান! শচীনৰ ১৫ বছৰৰ ৰেকৰ্ড ভংগ কৰিলে আয়ুষে
মাৰিলে ৪৩টা চাৰি, ২৪টা ছয়। ১৫২ বলত অপৰাজিত ৪১৯ ৰানৰ মাৰাথন ইনিংছ। ই কোনো দলৰ মুঠ স্ক’ৰ নহয়, বেটছমেনৰ ব্যক্তিগত স্ক’ৰহে। নিজৰ…
SCERTৰ ১০৫ কোটিটকীয়া কেলেংকাৰী; অভিযুক্ত IAS বিষয়া শেৱালী দেৱী শৰ্মাক গ্ৰেপ্তাৰ
SCERT ৰ বিয়াগোম কেলেংকাৰীত অভিযুক্ত IAS বিষয়া শেৱালী দেৱী শৰ্মাক ৰাজস্থানত গ্ৰেপ্তাৰ কৰা হৈছে। মুখ্যমন্ত্ৰীৰ তদাৰকী কোষে গ্ৰেপ্তাৰ কৰিছে বিষয়াগৰাকীক। ১০৫ কোটি…