অষ্টম শ্ৰেণীৰ ছাত্ৰীৰ ৰহস্যজনক আত্মহত্যাই জোকাৰিছে শুৱালকুছি; উদ্ধাৰ আত্মহত্যাৰ টোকা!

শুৱালকুছিৰ কলিতামন্দিৰ চুবুৰীত নিশা চাঞ্চল্যৰ সৃষ্টি হয়। চিপ লোৱা অৱস্থাত উদ্ধাৰ হয় এগৰাকী অষ্টম শ্ৰেণী ছাত্ৰীৰ মৃতদেহ।

ৰহস্যজনকভাৱে ছাত্ৰীগৰাকীয়ে লিখি থৈ যোৱা এটা আত্মহত্যাৰ টোকাও উদ্ধাৰ কৰা হৈছে। কোঠাৰ ভিতৰত উদ্ধাৰ কৰা হৈছে এই আত্মহত্যাৰ টোকা।

কিন্তু কিয় আত্মহত্যা কৰিলে অষ্টম শ্ৰেণীৰ ছাত্ৰী গৰাকীয়ে? প্ৰতিবেশীৰ ভাষ্য অনুসৰি হত্যাৰ বলি হৈছে ছাত্ৰী গৰাকী।

লগতে পঢ়ক: দেৰগাঁৱত ১৬বছৰীয়া কিশোৰীৰ আত্মহত্যা; লিখি থৈ গ’ল ১১পৃষ্ঠাৰ আত্মহত্যাৰ টোকা

আন একাংশৰ মতে পিতৃৰ নিৰ্যাতন সহিব নোৱাৰি আত্মহত্যা কৰিছে ছাত্ৰী গৰাকীয়ে। কিন্তু আত্মহত্যাৰ টোকাৰ বাক্যৰ গাথঁনিয়ে ৰহস্যৰ সৃষ্টি কৰিছে।

উল্লেখ্য যে পূৰ্বেও পিতৃ নব কলিতাৰ বিৰুদ্ধে পত্নীক হত্যাৰ অভিযোগ আছিল। এই অভিযোগতে বহু দিন কাৰাগাৰত আছিল নব কলিতা।

শুৱালকুছিত সংঘটিত এই ৰহস্যজনক আত্মহত্যাৰ ঘটনাই সমগ্ৰ অঞ্চলটো জোকাৰি গৈছে।