অপাৰেচন গংগাঃ যুদ্ধ বিধ্বস্ত ইউক্ৰেইনৰ পৰা কিমান লোকক অনা হ’ল ভাৰতলৈ?

ইউক্ৰেইনত নিৰ্বাপিত হোৱা নাই যুদ্ধৰ দাবানল।

এই দাবানলে ইতিমধ্যে দুজনকৈ ভাৰতীয় ছাত্ৰৰ প্ৰাণ কাঢ়ি নিছে, গুলীবিদ্ধ হৈ এজন ভাৰতীয় ছাত্ৰ। ভাৰতীয়সকলক উদ্ধাৰ কৰিবলৈ ভাৰতে ২৬ ফেব্ৰুৱাৰীৰ পৰা আৰম্ভ কৰিছিল অপাৰেছন গংগা।

এই অভিযানৰ জৰিয়তে এতিয়ালৈকে কিমান ভাৰতীয়ক স্বদেশলৈ ঘূৰাই আনিব পৰা গৈছে বাৰু?

আজি ১১ খন বিশেষ অসামৰিক বিমানেৰে ২,১৩৫ জন ভাৰতীয় লোকক ইউক্ৰেইনৰ চুবুৰীয়া দেশসমূহৰ পৰা ভাৰতলৈ অনা হৈছে।

অসামৰিক বিমান পৰিবহন দপ্তৰৰ মন্ত্ৰী জ্যোতিৰাদিত্য সিন্ধিয়াই আজি এই কথা প্ৰকাশ কৰিছে।

তেওঁ কয় যে এতিয়ালৈকে প্ৰায় ১৬,০০০ ভাৰতীয় নাগৰিকক “অপাৰেচন গংগা”ৰ অধীনত ইউক্ৰেইনৰ পৰা ভাৰতলৈ অনা আজি নখন বিমানে নতুন দিল্লীত অৱতৰণ কৰে আৰু দুখন বিমানে মুম্বাইত অৱতৰণ কৰে।

কাইলৈ বুদাপেষ্ট ,চুচেভা ,আৰু বুখাৰেষ্ট ৰ পৰা আঠখন বিশেষ বিমানে ভাৰতলৈ উৰা মাৰিব বুলি জানিব পৰা গৈছে।

উল্লেখ্য ভাৰতীয়সকলক সুকলমে বাহিৰ দেশসমূহৰ পৰা আনিবলৈ চাৰিগৰাকী মন্ত্ৰী ক্ৰমে জ্যোতিৰাদিত্য সিন্ধিয়া, হৰদীপ সিং পুৰী, কিৰেন ৰিজিজু আৰু ভি কে সিঙক হাংগেৰী, ৰোমানিয়া, শ্লোভাকিয়া আৰু পোলেণ্ডলৈ প্ৰেৰণ কৰা হৈছে।