কৃষকৰ আৰ্থ – সামাজিক উন্নতিৰ বাবে পূৰ্বাঞ্চলীয় ৰাষ্ট্ৰীয় দুগ্ধ গৱেষণা প্ৰতিষ্ঠানৰ প্ৰশংসনীয় পদক্ষেপ
নামনি অসমৰ ধুবুৰী জিলাৰ চাপৰ থানাৰ অন্তৰ্গত ৰঙামাটি গাওঁ পঞ্চায়ত এলেকাধীন হলদি়বাৰীস্থিত কৃষি বিজ্ঞান কেন্দ্ৰত কৃষক ৰাইজৰ লগতে মহিলা সকলৰ সৱলীকৰণৰ প্ৰতি লক্ষ্য ৰাখি এটি অভিনৱ অনুষ্ঠান অনুষ্ঠিত কৰা হয়।
ভাৰতীয় কৃষি অনুষ্ঠান পৰিষদ আৰু পশ্চিবংগৰ কল্যাণী স্থিত পূৰ্বাঞ্চলীয় ৰষ্ট্ৰীয দুগ্ধ গৱেষণা প্ৰতিষ্ঠানৰ যৌথ উদ্যোগত ‘লাইভলীহুড ইম্প্ৰোভ’ ( Livelihood Improve NEH ) (নৰ্থ ইষ্টাৰ্ণ হিলছ ৰিজিয়ন)” প্ৰকল্পৰ অধীনত আয়োজিত এই অভিনৱ অনুষ্ঠানটিৰ উদ্দেশ্য ব্যাখ্যা কৰে কৃষি বিজ্ঞান কেন্দ্ৰৰ মুৰব্বী তথা জ্যেষ্ঠ বিজ্ঞানী ড০ ফকৰ উদ্দিন আলী আহমেদে। সভাৰ আদৰণি পৰ্বৰ পাতনি মেলে নিশিতা পাঠকে ( এছ এম এছ, কে ভি কে) ।
পশু পালন, কৃষি আদি কৰ্মৰ জৰিয়তে নিজৰ লগতে সমাজ তথা দেশৰ আৰ্থিক উন্নতি সাধন কৰাৰ দিহা পৰামৰ্শ আৰু সাহায্য প্ৰদান কৰা এই অনুষ্ঠানটোত পূৰ্বাঞ্চলীয় ৰাষ্ট্ৰীয় দুগ্ধ গৱেষণা প্ৰতিষ্ঠানৰ মুৰব্বী তথা যুটীয়া সঞ্চালক ড০ ছিতাংচু মোহন দেৱ ,মুখ্য বিজ্ঞানী ড০ চম্পক ভগত, ড০ মোহন মণ্ডল, ড০ ফকৰ উদ্দিন আলী আহমেদ দেৱৰ লগতে শৰৎ চন্দ্ৰ সিংহ কৃষি মহাবিদ্যালয়ৰ সহযোগী বিজ্ঞান গুৰু , কেবা গৰাকী শিক্ষক আদি কৰ্মী বৃন্দৰ লগতে অঞ্চলটোৰ বহু কেই গৰাকী কৃষক আৰু পুৰুষ মহিলা উপস্থিত থাকে। সভাত উপস্থিত বিজ্ঞানীসকলে বৈজ্ঞানিক পদ্ধতিৰে পশু পালন, ইয়াৰ চিকৎসা , লালন পালন , থকা মেলাৰ পৰিবেশ, জলবায়ু আদি বিভিন্ন দিশ সামৰি বক্তব্য আগবঢ়ায়।
সভাত ৰাজস্থানৰ ব্ৰিটেলে জাতৰ উন্নত ছাগলী পালন কৰি অধিক লাভবান হোৱাৰ পদ্ধতি সম্পৰ্কেও আলোচকসকলে আলোকপাত কৰে।
এই অনুষ্ঠানত পশু পালনৰ বাবে লাগতিয়াল সামগ্ৰী ক্ৰমে পশু খাদ্য,, খনিজ মিশ্ৰণ , কেলচিয়াম , লিভাৰ আৰু পেলুৰ দৰৱ তিনিশ কৃষকৰ মাজত বিতৰণ কৰা হয় । ইয়াৰোপৰি ধুবুৰী জিলাৰ শালকোচা, চৈবাৰী, ভেলুপাৰা, গৌৰাংটাৰী, খামাৰপাৰা, নিদানি, বাৰ্নিতাৰা, উদমাৰী, মেধিপাৰা , বহলপুৰ , শ্ৰী গ্ৰাম আদি অঞ্চলৰ কৃষকৰ মাজত উন্নত জাতৰ ৫১ টা গাহৰী আৰু ৪৭ টা ছাগলী বিতৰণ কৰা হয়।
অনুষ্ঠানটি সৰ্বদিশত সফল কৰি তোলাত আগভাগ লয় ক্ৰমে কে ড: ফকৰ উদ্দিন আলী আহমেদ, অভিজিত পাল, নিশিতা পাঠক, দীপাংকৰ বৰা , কৃষ্ণা বৰা, ৰিমঝিম শইকীয়া বৰা, বিনিতা বসুমতাৰী, দিব্যহৃষি ভট্টাচাৰ্য্য, নবনীতা নাথ, মৃদুল দাস,অশোক কমল গগৈ , চন্দন কুমাৰ দাস , আশ্ৰাফুল আহমেদ আদি ব্যক্তিসকলে।
You may also like
ইউটিউব চাই অস্ত্ৰোপচাৰ, একাধিক শিৰা কাটি পেলালে মদ্যপ চিকিৎসকে; প্ৰাণ হেৰুৱালে মহিলাই
মোমায়েক আৰু ভাগিনীয়েকৰ প্ৰৱঞ্চনা। মোমায়েকে এখন অবৈধ ক্লিনিক চলাইছিল। আৰু ভুৱা চিকিৎসক সাজি চিকিৎসা কৰিছিল ভাগিনেকে। এই অবৈধ ক্লিনিকখন কোনো অনুজ্ঞাপত্ৰ অবিহনে…
ৰহস্যজনক মৃত্যু ধৰ্মগুৰুৰ ! দাবী উঠিছে চি বি আই তদন্তৰ
হিন্দুৰ সুৰক্ষাৰ কথা কোৱা কট্টৰ হিন্দুত্ববাদী যোগী আদিত্যনাথ চৰকাৰৰ কালতে উত্তৰপ্ৰদেশত ৰহস্যজনকভাৱে মৃত্যু হৈছে এজন প্ৰসিদ্ধ ধৰ্মগুৰুৰ। অখিল ভাৰতীয় অখণ্ড পৰিষদ নামৰ…
পশু চিকিৎসা বিভাগৰ সহযোগত কাজিৰঙা ৰাষ্ট্ৰীয় উদ্যান কৰ্তৃপক্ষৰ গৰু-ম’হৰ প্ৰতিষেধক প্ৰদান
বৰষুণ আৰু লকডাউনৰ মাজতো বনকৰ্মীৰ সহযোগত পশু চিকিৎসকৰ দলে ব্ৰহ্মপুত্ৰৰ মাজৰ ভক্তে আৰু বামুন চাপৰিত গৰু ম’হৰ প্ৰতিষেধক প্ৰদানৰ কাম সম্পন্ন কৰে…
অসমৰ ২০২৪-২৫ বিত্তীয় বৰ্ষৰ কেইটামান স্নেপশ্বট দাঙি ধৰি চৰকাৰক সমালোচনা সাংসদ অজিত কুমাৰ ভূঞাৰ
অসম চৰকাৰৰ ২০২৪-২৫ বিত্তীয় বৰ্ষৰ কেইটামান স্নেপশ্বট দাঙি ধৰিছে ৰাজ্যসভাৰ সাংসদ অজিত কুমাৰ ভূঞাই। ভূঞাই সংবাদ মাধ্যমলৈ প্ৰেৰণ কৰা এক বিবৃতিত অসম…