নামনিমুৱা ছেকেন্দ্রাবাদ এক্সপ্রেছৰ পৰা বৃহৎ পৰিমাণৰ গাঞ্জা উদ্ধাৰ
বঙাইগাঁৱৰ নিউ বঙাইগাঁও ৰে’লৱে জংচনৰ চৰকাৰী ৰে’লৱে আৰক্ষীয়ে নামনিমুৱা ছেকেন্দ্রাবাদ স্পেচিয়েল এক্সপ্রেছৰ শৌচাগাৰৰ পৰা বৃহৎ পৰিমাণৰ গাঞ্জা উদ্ধাৰ কৰিবলৈ সক্ষম হৈছে ৷
নিউ বঙাইগাঁও চৰকাৰী ৰে’লৱে আৰক্ষী বিষয়া সঞ্জীৱ চৌধুৰীয়ে সংবাদ মাধ্যমক জানিব দিয়া মতে পুৱা ১১ বজাত ত্ৰিপুৰাৰ আগৰতলা ৰে’লৱে ষ্টেচনৰ পৰা নিউ বঙাইগাঁও জংচনৰ দিশত আহি থকা ০৭০২৯ নম্বৰৰ নামনিমুৱা ছেকেন্দ্রাবাদ স্পেচিয়েল এক্সপ্রেছৰ এছ-৯ এ নম্বৰৰ ডবাত চোৰাং ব্যৱসায়ীয়ে গাঞ্জা সৰবৰাহৰ সংবাদ লাভ কৰে ৷
এই খবৰ লাভ কৰাৰ পিচকে নিউ বঙাইগাঁও চৰকাৰী ৰে’লৱে আৰক্ষীৰ এটি দলে নিউ বঙাইগাঁৱৰ পৰা গুৱাহাটীলৈ ৰাওনা হয় আৰু ছেকেন্দ্রাবাদ স্পেচিয়েল এক্সপ্রেছত উঠি তালাচী অব্যাহত ৰাখে ৷
চৰকাৰী ৰে’লৱে আৰক্ষীৰ দলটোৱে চলন্ত ৰে’লৱেত তালাচী অব্যাহত ৰখাৰ সময়তে ৰে’লখনৰ এছ – ৯ নম্বৰৰ ডবাটোৰ শৌচাগাৰত গাঞ্জা উদ্ধাৰ কৰিবলৈ সক্ষম হয় ৷
উদ্ধাৰকৃত গাঞ্জাখিনিৰ ওজন প্রায় ৩৫/৪০ কিলোগ্ৰাম হ’ব ৷
অভিযানকাৰী দলটোৱে পিচত গাঞ্জাখিনি নিউবঙাইগাঁও জংচনত নমাই ৰাখে ৷
লক্ষ্যণীয় যে ৰে’লৱে আৰক্ষীৰ দলটোৱে গাঞ্জা সৰবৰাহৰ লগত জড়িত কোনো লোকক আটক কৰিবলৈ সক্ষম হোৱা নাই৷
You may also like
ভাৰতত ক’ৰ’না আক্ৰান্তৰ সংখ্যা ৫৬,০০০ অতিক্ৰম; সুস্থ হৈছে ১৬,৫০০ ৰো অধিক লোক
ভাৰতীয় স্বাস্থ্য আৰু পৰিয়াল কল্যাণ মন্ত্ৰ্যালয়ে শুকুৰবাৰে ভাৰতত ক’ৰ’না আক্ৰান্তৰ সংখ্যাই ৫৬,০০০ সীমা অতিক্ৰম কৰে বুলি উল্লেখ কৰে। স্বাস্থ্য আৰু পৰিয়াল কল্যাণ…
নেশ্যনেল ডিফেন্স একাডেমিত থকা অসমৰ একমাত্ৰ আসনৰ বাবে নিৰ্বাচিত বোকাখাতৰ অমন বিশাল ঘোষ
ডেৰাডুনত থকা দেশৰ আগশাৰীৰ শিক্ষানুষ্ঠান ইণ্ডিয়ান মিলিটেৰী কলেজৰ পৰা কেন্দ্ৰীয় লোক সেৱা আয়োগৰ দ্বাৰা পৰিচালিত সৰ্বভাৰতীয় বাছনি পৰীক্ষাত উত্তীৰ্ণ হৈ নেশ্যনেল ডিফেন্স…
প্ৰাক্তন প্ৰধানমন্ত্ৰী মনমোহন সিঙৰ পত্নীৰ নিৰাপত্তা হ্ৰাস কেন্দ্ৰৰ
প্ৰয়াত প্ৰাক্তন প্ৰধানমন্ত্ৰী মনমোহন সিঙৰ পত্নী গুৰশৰণ সিঙৰ নিৰাপত্তা হ্ৰাস কৰাৰ সিদ্ধান্ত নৰেন্দ্ৰ মোদী চৰকাৰৰ। অৱসৰৰ পাছত প্ৰাক্তন প্ৰধানমন্ত্ৰীগৰাকী আৰু তেওঁৰ পত্নীক…
নিজ গৃহ পালেহি বহিঃৰাজ্যত ৰহস্যজনকভাৱে মৃত্যু হোৱা পবিত্ৰ পেগুৰ মৃতদেহ; তদন্তৰ দাবী
বহি:ৰাজ্যৰ বাংগালুৰুত ৰহস্যজনক ভাৱে মৃত্যু হোৱা পবিত্ৰ পেগু নামৰ যুৱকজনৰ মৃতদেহ আজি পুৱা বোকাখাত আহি পায়। বোকাখাত নগৰৰ পৰা পবিত্ৰ পেগুৰ মৃতদেহ…