জম্মু-কাশ্মীৰত পুনৰ সেনা-সন্ত্ৰাসবাদীৰ সংঘৰ্ষ: নিহত ১ সন্ত্ৰাসবাদী
জম্মু-কাশ্মীৰত শেহতীয়াকৈ ধাৰাবাহিকভাৱে চলি থকা নিৰাপত্তাৰক্ষী আৰু সন্ত্ৰাসবাদীৰ সংঘৰ্ষৰ মাজতে আজি পুনৰ আন এক ভয়াবহ সংঘৰ্ষ সংঘটিত হয়।
দক্ষিণ কাশ্মীৰৰ কুলগাম জিলাত সংঘটিত এই সংঘৰ্ষত জেইছ-ই-মহম্মদৰ এজন সন্ত্ৰাসবাদী নিহত হৈছে আৰু তিনিজন সন্ত্ৰাসবাদী আৱদ্ধ হৈ আছে বুলি জানিব পৰা গৈছে।
জম্মু-কাশ্মীৰ আৰক্ষীয়ে জানিবলৈ দিয়া মতে আৰক্ষী আৰু সেনাৰ এটা যুটীয়া দলে অঞ্চলটোত এটা অনুসন্ধান অভিযান আৰম্ভ কৰিছিল।
সেনা-বাহিনীৰ দলটো সন্দেহযুক্ত স্থানৰ ফালে গতি কৰাৰ সময়তে লুকাই থকা উগ্ৰপন্থীসকলে নিৰাপত্তাৰক্ষীৰ ওপৰত গুলীচালনা কৰিছিল বুলি সেনাই প্ৰকাশ কৰিছে।
শুকুৰবাৰেও জম্মুৰ এটা সেনা চাউনীৰ ওচৰত নিৰাপত্তাৰক্ষী আৰু সন্ত্ৰাসবাদীৰ মাজত সংঘৰ্ষৰ সৃষ্টি হৈছিল।
এই সংঘৰ্ষত দুজন সন্ত্ৰাসবাদী নিহত হোৱাৰ লগতে এজন সৈনিকো নিহত হয়। সংঘৰ্ষত আন চাৰিজন সেনা জোৱান আহত হৈছে বুলিও সেনাৰ সূত্ৰই প্ৰকাশ কৰিছিল।
উল্লেখ্য যে দেওবাৰে প্ৰধানমন্ত্ৰী নৰেন্দ্ৰ মোদীয়ে জম্মু-কাশ্মীৰ ভ্ৰমণ কৰিব। প্ৰধানমন্ত্ৰীৰ ভ্ৰমণৰ পূৰ্বে সংঘটিত এই সংঘৰ্ষই চাঞ্চল্যৰ সৃষ্টি কৰিছে।
You may also like
‘কা’ৰ বিৰোধিতা কৰাৰ বাবেই NSG প্ৰত্যাহাৰ কৰি মোৰ ওপৰত হেঁচা দিছে : প্ৰফুল্ল কুমাৰ মহন্ত
“ৰাইজে জানে যে আমি নাগৰিকত্ব (সংশোধন) আইনৰ বিৰোধিতা কৰিছো। বিভিন্ন দিশৰ পৰা হেঁচাৰ সন্মুখীন হৈ আহিছো। NSG প্ৰত্যাহাৰ আমাক হেঁচাৰ এটা অংশ…
পৱন খেৰাৰ বিস্ফোৰক অভিযোগৰ পিছতে হিমন্ত বিশ্ব শৰ্মাৰ সংবাদ মেল! কি ক’লে মুখ্যমন্ত্ৰীগৰাকীয়ে?
অসমৰ মুখ্যমন্ত্ৰী ড° হিমন্ত বিশ্ব শৰ্মা আৰু তেওঁৰ পৰিয়ালৰ বিৰুদ্ধে বিদেশত বৃহৎ পৰিমাণৰ সম্পত্তি লুকুৱাই ৰখাৰ গুৰুতৰ অভিযোগ উত্থাপন কৰিছে কংগ্ৰেছ দলে।…
ভেলেণ্টাইন ডে’ত পত্নীক অমূল্য উপহাৰ দিলে স্বামীয়ে,কি উপহাৰ? জানিলে ভাল লাগিব আপোনাৰো
আজি সমগ্ৰ বিশ্বজুৰি পালন হৈছে প্ৰেমৰ দিন ভেলেণ্টাইন ডে’। আজিৰ দিনটোতে প্ৰেমিক-প্ৰেমিকাই প্ৰেমৰ নতুন সংকল্প গ্ৰহণ কৰি আহিছে। ভেলেণ্টাইন ডে’ৰ সৈতে জৰিত…
বিশ্বজুৰি বহু লোকৰ মাজত বৃদ্ধি পাইছে আত্মহত্যাৰ প্ৰৱণতা, বিশেষজ্ঞই কি কয়?
বিশ্বজুৰি বহু লোকৰ মাজত বৃদ্ধি পাইছে আত্মহত্যাৰ প্ৰৱণতা। এই কথাত চিন্তিত হৈ পৰিছে সমাজ বিজ্ঞানীসকল। আত্মহত্যাৰ ঘটনা এতিয়া ভাৰতকে ধৰি সমগ্ৰ বিশ্বতে…