ভাৰত-বাংলাদেশ সীমান্তৰ কাটিগৰাত বানৰ সংহাৰী ৰূপ, পাঁচদিনে নাই চৰকাৰী সাহায্য

সমগ্ৰ অসমৰ লগতে ভাৰত-বাংলাদেশ সীমান্তৰ কাচাৰ জিলাৰ কাটিগৰাতো বানে কালান্তক ৰূপ ধাৰণ কৰিছে।

কাটিগৰাৰ ভাৰত-বাংলাদেশ সীমান্তৱৰ্তী এলেকাৰ হৰিনগৰত এতিয়া গৃহবন্দী হৈ পৰিছে গাওঁবাসী।

ঘৰত বিচনাৰ ওপৰত উঠিয়েই তেওঁলোকে দিন -ৰাতি অতিবাহিত কৰিবলগীয়া হৈছে।কিন্তু দুখৰ বিষয় যে প্ৰশাসনৰ পৰা চাৰি -পাঁচ দিন পাৰ হৈ যোৱাৰ পিছতো এতিয়ালৈকে কোনো সাহায্য সামগ্ৰী দিয়া হোৱা নাই।

প্ৰশাসনৰএনে ভূমিকাত সীমান্তৰ লোকসকলে ক্ষোভ প্ৰকাশ কৰা পৰিলক্ষিত হৈছে।

দুদিনৰ পৰা তিনিদিন ধৰি, সুৰমা ভেলী ডেভেলপমেণ্ট চ’চাইটিৰ (এনজিঅ’) কৰ্মীসকলে বানপীড়িত অঞ্চলসমূহ পৰিদৰ্শন কৰি সামৰ্থ্য অনুযায়ী বিস্কুট আৰু খোৱাপানী বিতৰণ কৰি আহিছে।

সংস্থাটোৱে বানপীড়িত অঞ্চলসমূহৰ লোকসকলক সাহায্য সামগ্ৰী আৰু খাদ্য প্ৰদান কৰিবলৈ প্ৰশাসনক আহ্বান জনাইছে।

কিন্তু প্ৰশাসনে এতিয়ালৈকে বানাক্ৰান্ত লোকসকলক সহায় কৰাৰ বাবে কোনো পদক্ষেপ গ্ৰহণ নকৰাৰ অভিযোগ উঠিছে।