মুকলি আকাশৰ তললৈ অহাৰ পথ প্ৰশস্ত: বৰ্ষাশ্ৰীক জামিন প্ৰদান উচ্চ ন্যায়ালয়ৰ
ৰাষ্ট্ৰদ্ৰোহৰ অভিযোগত দুমাহতকৈও অধিক কাল কাৰাৰুদ্ধ হৈ থকা বৰ্ষাশ্ৰী বুঢ়াগোহাঁই অৱশেষত কাৰাগাৰৰ পৰা মুক্ত হোৱাৰ পথ প্ৰশস্ত হ’ল। আজি বৰ্ষাশ্ৰীৰ জামিন আবেদনৰ শুনানি গ্ৰহণ কৰি গুৱাহাটী উচ্চ ন্যায়ালয়ে ১৯ বছৰীয়া শিক্ষাৰ্থী গৰাকীক জামিন প্ৰদান কৰে।
যোৱা ১৮ মে’ত আৰক্ষীয়ে গ্ৰেপ্তাৰ কৰাৰ পিছৰে পৰা গ্ৰেপ্তাৰ কৰা হৈছিল গোলাঘাটত ন্যায়িক জিম্মাত আছিল বৰ্ষাশ্ৰী।
নিষিদ্ধ ঘোষিত সংগঠন আলফা স্বাধীনক সমৰ্থন কৰি ফেচবুকত পোষ্ট দিয়াৰ অভিযোগত বৰ্ষাশ্ৰীৰ বিৰুদ্ধে বেআইনী কাৰ্যকলাপ (প্ৰতিৰোধ) আইন (UAPA) ৰ অধীনত গোচৰ ৰুজু কৰা হৈছিল।
দেৱীচৰণ বৰুৱা ছোৱালী মহাবিদ্যালয়ৰ স্নাতক দ্বিতীয় ষাণ্মাষিকৰ ছাত্ৰীগৰাকীয়ে কাৰাগাৰৰ ভিতৰৰ পৰাই দুটাকৈ পৰীক্ষাত অৱতীৰ্ণ হৈছিল।
আনহাতে অসম আৰক্ষীৰ সঞ্চালক প্ৰধান আৰু বিশেষ আৰক্ষী সঞ্চালক প্ৰধানে বৰ্ষাশ্ৰীয়ে আলফাৰ সমৰ্থনত পোষ্ট দিয়াৰ লগতে আলফালৈ যোৱাৰ সম্ভাৱনীয়তা প্ৰকাশ কৰিছিল বুলি দাবী কৰিছিল।
কিন্তু আৰক্ষীৰ এই দাবীৰ বিপৰীতে যুৱতীগৰাকীৰ ফেচবুকত আলফাৰ সমৰ্থনত স্পষ্টকৈ কোনো পোষ্ট নথকাৰ অভিযোগ উঠিছিল। এনে অৱস্থাত সমগ্ৰ ৰাজ্যজুৰি বৰ্ষাশ্ৰীৰ মুক্তিৰ দাবীত এক প্ৰতিবাদমুখৰ পৰিস্থিতিৰ সৃষ্টি হৈছিল।
অৱশেষত আজি উচ্চ ন্যায়ালয়ে বৰ্ষাশ্ৰী বুঢ়াগোহাঁইক জামিন প্ৰদান কৰাৰ লগে লগে ৰাজ্যবাসীয়ে সন্তুষ্টি প্ৰকাশ কৰিছে।
You may also like
চন্দ্ৰ বৰপাত্ৰ গোহাঁইক সাহিত্যসূৰ্য্য লুন্মেৰ দাই স্মাৰক সাহিত্য বঁটা প্রদান
পঞ্চম দশকৰ পৰা সুদীৰ্ঘকাল অৰুণাচলৰ অৰঙে-দৰঙে অসমীয়া ভাষাৰ শিক্ষাৰ পোহৰ বিলোৱা অসমৰ বৰেণ্য ব্যক্তি চন্দ্ৰ বৰপাত্ৰগোহাঁইক আজি অৰুণাচল প্রদেশ লিটাৰেৰী ছ’চাইটিৰ দ্বাৰা…
কবি নীলাভ সৌৰভৰ কাব্যিক স্বাধীনতাৰ পক্ষত ডি ৱাই এফ আই : হিন্দুত্ববাদী সংগঠনৰ স্বৈৰাচাৰী কাণ্ডক তীব্ৰ গৰিহণা
ভাৰতৰ গণতান্ত্ৰিক যুৱ ফেডাৰেছন (ডি ৱাই এফ আই) ৰ অসম ৰাজ্যিক কমিটিয়ে কবি নীলাভ সৌৰভ আৰু তেওঁৰ পৰিয়ালবৰ্গৰ ওপৰত চৰকাৰ তথা হিন্দুত্ববাদী…
নাবালিকা কন্যাক ধাৰাবাহিক যৌন নিৰ্যাতন পিতৃৰ : অভিযুক্ত পিতৃক গ্ৰেপ্তাৰ আৰক্ষীৰ
নিজ পিতৃৰ বিকৃত যৌন কামনাৰ বলি হৈছে এগৰাকী কিশোৰী। নৱম শ্ৰেণীত অধ্যয়নৰত নিজ কন্যাক যৌন নিপীড়ন চলোৱাৰ অভিযোগত আৰক্ষীয়ে গ্ৰেপ্তাৰ কৰিছে পিতৃ…
পাঁচ বছৰৰ সম্পৰ্কৰ অন্তত বিয়া পাতিবলৈ ‘অমান্তি’, প্ৰেমিকৰ যৌনাংগ ছেদ কৰিলে প্ৰেমিকাই!
দুয়োৰে সম্পৰ্ক ৫ বছৰ পুৰণি। বহুদিন একেলগে ঘূৰা ফুৰাৰ পিছত প্ৰেমিকক বিয়াৰ কথা কৈছিল প্ৰেমিকাই। কিন্তু প্ৰেমিকজনে বিয়াৰ কথা ওলোৱাৰ পিছতে মুখ…