Sheryl Sandberg gets married: বিবাহপাশত আৱদ্ধ হ’ল শ্বেৰিল চেণ্ডবাৰ্গ; দৰা কোন?

Sheryl Sandberg gets married to Tom Bernthal ফেচবুকৰ মালিকানাধীন মেটাৰ বিদায়ী মুখ্য পৰিচালন সঞ্চালক শ্বেৰিল চেণ্ডবাৰ্গ বিবাহপাশত আৱদ্ধ হ’ল। দৰা হ’ল বিপণন বিষয়া তথা প্ৰাক্তন টিভি প্ৰযোজক টম বাৰ্ণথাল। শনিবাৰে আমেৰিকা যুক্তৰাষ্ট্ৰৰ ৱায়মিঙত বিবাহ অনুষ্ঠানটো অনুষ্ঠিত হয়।

শ্বেৰিল আৰু টমে গভীৰ প্ৰেমৰ পৰিণতিত ২০২০ত তেওঁলোকৰ বিবাহ সম্পৰ্ক গঢ়ি তোলাৰ বিষয়ে সিদ্ধান্ত চূড়ান্ত কৰিছিল।

শ্বেৰিলৰ আগৰ সংসাৰৰ ফালৰ পৰা দুটা সন্তান আছে আৰু টমৰো পূৰ্বৰ সংসাৰত তিনিটা সন্তান আছে। তেওঁলোকো বিয়াখনত উপস্থিত আছিল।

শ্বেৰিলে এই বছৰতেই মেটা ত্যাগ কৰিব বুলি ঘোষণা কৰিছিল। তেওঁ কৈছিল যে তেওঁ দাতব্য কামকাজৰ ওপৰত গুৰুত্ব দিয়াৰ সিদ্ধান্ত লৈছে। বিয়াতো তাৰ প্ৰতিফলন দেখা গৈছে।

বিয়াত অতিথিসকলৰ উপহাৰ অনাটো নিষিদ্ধ আছিল। ইয়াৰ পৰিৱৰ্তে তেওঁলোকক বাল্য বিবাহ প্ৰতিৰোধ কাৰ্যসূচীত তেওঁলোকক দান কৰিবলৈ আহ্বান জনোৱা হৈছিল।

শ্বেৰিল চেণ্ডবাৰ্গ ২০০৮ চনৰ পৰা ফেচবুকৰ সৈতে ওত:প্ৰোতভাৱে জড়িত আছিল। প্ৰায় ১৪ বছৰ ফেচবুকক জনপ্ৰিয় কৰি তোলাৰ কামত মাৰ্ক জুকাৰবাৰ্গৰ সৈতে কাম কৰিছিল। তাৰমাজতে জুকাৰবাৰ্গৰ সৈতে মতভেদ ঘটাৰ পিছত শ্বেৰিলে ফেচবুক এৰাৰ সিদ্ধান্ত গ্ৰহণ কৰে।