গুৱাহাটী ৰেষ্টুৰেণ্টত ভাতৰ থালীত মৰা জেঠী; দেখি চকু কপালত উঠিল গ্ৰাহকৰ, দিলে এজাহাৰ

গুৱাহাটী মহানগৰীৰ এখন ৰেষ্টুৰেণ্টত এজন গ্ৰাহকৰ ভাতৰ থালীত মৰা জেঠী উদ্ধাৰ হোৱা ফলত এক তীব্ৰ হুলস্থুলৰ সৃষ্টি হয়।

গুৱাহাটী মহানগৰীৰ পল্টন বজাৰ অঞ্চলৰ মা কালী হোটেলত সংঘটিত হৈছে এই ঘটনা।

কাছাৰ জিলাৰ শিলচৰ চহৰৰ এজন লোক সোমবাৰে (২৫ ছেপ্টেম্বৰ) গুৱাহাটীত উপস্থিত হৈ মা কালী হোটেললৈ ৰাতিৰ আহাৰ গ্ৰহণ কৰিবলৈ গৈছিল।

লগতে পঢ়ক: আই আই টি গুৱাহাটীৰ অধ্যাপক, নদীবান্ধ বিশেষজ্ঞ কমিটিৰ সদস্য চন্দন মহন্তৰ দেহাৱসান

আন গ্ৰাহকৰ সৈতে ৰাতিৰ আহাৰ খাই থাকোঁতে শিলচৰৰ লোকজনে নিজৰ ভাতৰ থালীত এটা মৰা জেঠী পালে।

ইয়াৰ ফলত ৰেষ্টুৰেণ্টখনত গ্ৰাহক আৰু ৰেষ্টুৰেণ্টখনৰ কৰ্তৃপক্ষৰ মাজত কাজিয়াৰ দৰে পৰিস্থিতিৰ সৃষ্টি হয়।

লগতে পঢ়ক: চাই ল’ম, ফেপেৰি পাতিছে পুটিনে! ৰাছিয়াৰ ৱাণ্টেড লিষ্টত এইবাৰ আইচিচিৰ প্ৰেছিডেন্টৰ নাম

পিছত শিলচৰৰ লোকজনে স্বচ্ছতাৰ মানদণ্ড উলংঘা কৰি জনস্বাস্থ্যৰ লগত আপোচ কৰা বুলি ৰেষ্টুৰেণ্টখনৰ বিৰুদ্ধে গুৱাহাটীৰ পল্টন বজাৰ থানাত এখন এজাহাৰ দাখিল কৰে।