Cyrus Mistry Died In Accident মুম্বাইত পথ দুৰ্ঘটনাত মৃত্যু টাটা ছন্সৰ প্ৰাক্তন অধ্যক্ষ চাইৰাছ মিস্ত্ৰীৰ

টাটা ছন্সৰ প্ৰাক্তন অধ্যক্ষ চাইৰাছ মিস্ত্ৰীৰ এটা পথ দুৰ্ঘটনাত মৃত্যু হৈছে। দেওবাৰে মহাৰাষ্ট্ৰৰ পালঘৰৰ ওচৰত এক পথ দুৰ্ঘটনাত তেওঁৰ মৃত্যু হয়। প্ৰাপ্ত খবৰ অনুসৰি চাইৰাছ মিস্ত্ৰীৰ গাড়ীখনে ডিভাইডাৰত খুন্দা মাৰি পথৰ ওপৰতে লুটি খাই পৰে।

আৰক্ষীয়ে জনোৱা অনুসৰি চাইৰাছ মিস্ত্ৰীয়ে দেওবাৰে আবেলি আহমেদাবাদৰ পৰা এখন মাৰ্চিডিজ গাড়ীৰে মুম্বাইলৈ উভতি আহি আছিল। পালঘৰৰ ওচৰত আবেলি প্ৰায় ৩.১৫ বজাত, সূৰ্য নদীৰ দলঙৰ ওপৰৰ ডিভাইডাৰটোত গাড়ীখনে খুন্দা মাৰে।

দুৰ্ঘটনাটো ঘটাৰ সময়ত চাইৰাছৰ সৈতে গাড়ীখনত আন দুজন লোক আছিল। তেওঁলোকক আৰক্ষীয়ে আহত অৱস্থাত উদ্ধাৰ কৰি গুজৰাটৰ এখন চিকিৎসালয়ত ভৰ্তি কৰোৱায়।

Deeply anguished & shocked by the sudden passing away of Cyrus Mistry.

Indian industry has lost one of its shining stars whose contributions to India's economic progress will always be remembered.

My heartfelt condolences to his family & friends. pic.twitter.com/74bzEPsr3a

— Piyush Goyal (@PiyushGoyal) September 4, 2022

২০০৬ চনত তেওঁৰ চাইৰাছৰ পিতৃ পেলোঞ্জি মিস্ত্ৰীয়ে টাটা চন্স বোৰ্ডৰ পৰা অৱসৰ গ্ৰহণ কৰাৰ পিছত,চাইৰাছে টাটা বোৰ্ডত যোগদান কৰিছিল।

ছয় বছৰ পিছত ২০১২ চনত ৰতন টাটাই টাটা গোটৰ অধ্যক্ষ পদ ত্যাগ কৰে। তাৰ পিছত পদত চাইৰাছ মিস্ত্ৰী অধিস্থিত হৈছিল। তেওঁ ছাপুৰজী পালনজী গোটৰো প্ৰতিনিধি আছিল। টাটা চন্সত সৰ্ববৃহৎ অংশীদাৰিত্বও তেওঁৰ আছিল।

Devastating News My Brother Cyrus Mistry passed away. Can’t believe it.

Rest in Peace Cyrus. pic.twitter.com/YEz7VDkWCY

— Supriya Sule (@supriya_sule) September 4, 2022

চাইৰাছ ২০১৬ চনলৈকে টাটা ছন্সৰ অধ্যক্ষ আছিল। একেটা বছৰতে টাটা ছন্স বোৰ্ডে তেওঁক অধ্যক্ষ পদৰ পৰা আঁতৰাই দিয়ে আৰু নটৰাজন চন্দ্ৰশেখৰণক সেই দায়িত্ব দিয়ে।