মাৰ্কিন থিংক টেংকৰ প্ৰতিবেদন! ৰাছিয়া আৰু চীনৰ বিৰুদ্ধে যুদ্ধ জিকাৰ ক্ষমতা নাই আমেৰিকাৰ

আমেৰিকা যুক্তৰাষ্ট্ৰৰ সামৰিক বাহিনী হৈছে এক “দুৰ্বল” শক্তি। তেওঁলোকৰ চীন বা ৰাছিয়াৰ বিৰুদ্ধে এটাৰ বিৰুদ্ধেও যুদ্ধ জিকাৰ ক্ষমতা নাই।  ৱাশ্বিংটনস্থিত আমেৰিকান গৱেষণা সংস্থা ‘হেৰিটেজ ফাউণ্ডেশ্যন’য়ে এক প্ৰতিবেদনত এই দাবী কৰিছে।

অৱশ্যে গৱেষণা প্ৰতিষ্ঠানটোৱে আমেৰিকা যুক্তৰাষ্ট্ৰৰ সামৰিক বাহিনীৰ ভিতৰত মেৰিন সেনাক শক্তিশালী বুলি প্ৰশংসা কৰে।

প্ৰতিবেদনখনে আমেৰিকা যুক্তৰাষ্ট্ৰৰ স্পেচ ফ’ৰ্চ আৰু নৌসেনাক দুৰ্বল বুলি বৰ্ণনা কৰিছে। এইটোও কোৱা হৈছে যে আমেৰিকা যুক্তৰাষ্ট্ৰৰ বায়ু সেনা অতি দুৰ্বল।

লগতে পঢ়ক: পৰিৱেশ কৰ্মীকে পৰিৱেশ মন্ত্ৰালয়ৰ দায়িত্ব! আটাইতকৈ কনিষ্ঠ মন্ত্ৰী হিচাপে কাৰ্যভাৰ গ্ৰহণ

প্ৰতিবেদন অনুসৰি বৰ্তমান আমেৰিকা যুক্তৰাষ্ট্ৰৰ সামৰিক বাহিনী এনে এক দুৰ্বল স্থিতিত আছে যি কোনো ডাঙৰ আঞ্চলিক সংঘাতত আকাংক্ষিত ভূমিকা পালন কৰিব নোৱাৰিব।

একে সময়তে আমেৰিকা যুক্তৰাষ্ট্ৰৰ সামৰিক বাহিনীয়ে দুয়োখন দেশৰ সৈতে যুদ্ধ পৰিচালনাৰ ক্ষেত্ৰত দুৰ্বল অস্ত্ৰ -সজ্জিত বুলিও প্ৰতিবেদনত কোৱা হৈছে।

হেৰিটেজ ফাউণ্ডেশ্যনৰ প্ৰতিবেদনত এইটোও কোৱা হৈছে যে যোৱা ২০ বছৰত সামৰিক অভিযানত বৃহৎ সংখ্যক আমেৰিকা যুক্তৰাষ্ট্ৰৰ সৈনিক নিহত হৈছে। বিশেষকৈ পশ্চিম এছিয়া অঞ্চলত বিগত কেইটা দশকত আমেৰিকান সেনা নিহতৰ সংখ্যা বহুত বেছি।

লগতে পঢ়ক: অসমৰ কি আহে যায়! কেন্দ্ৰৰ হিন্দী আগ্ৰাসনৰ বিৰুদ্ধে তামিলনাডু বিধানসভাত প্ৰস্তাৱ; বিজেপিৰ ৱাক আউট

আমেৰিকা যুক্তৰাষ্ট্ৰৰ গৱেষণা প্ৰতিষ্ঠানটোৱে ধাৰণা কৰে যে সাম্প্ৰতিক সংকটৰ পৰিস্থিতিত দুটা দিশত একেলগে যুঁজ দিয়াৰ আশংকা বৃদ্ধি পাইছে আৰু চীন প্ৰশান্ত মহাসাগৰীয় অঞ্চলত দিনে দিনে আক্ৰমণাত্মক হৈ উঠিছে।