স্বাস্থ্যৰ অৱনতি: এনচিপিৰ মুৰব্বী শাৰদ পাৱাৰক চিকিৎসালয়ত ভৰ্তি

নেচনেলিষ্ট কংগ্ৰেছ পাৰ্টি, চমুকৈ এনচিপিৰ মুৰব্বী শাৰদ পাৱাৰক আজি স্বাস্থ্যৰ অৱনতি হোৱাৰ পিছত জৰুৰীকালীনভাৱে মুম্বাইৰ ব্ৰিচ কেণ্ডি চিকিৎসালয়ত ভৰ্তি কৰোৱা হৈছে।

টুইটাৰত এক বিবৃতি প্ৰকাশ কৰি দলটোৱে কয়, “এনচিপিৰ ৰাষ্ট্ৰীয় সভাপতি শাৰদ পাৱাৰৰ স্বাস্থ্য ভাল নহয় বাবে অহা তিনিদিনৰ বাবে মুম্বাইৰ ব্ৰীজ কেণ্ডি চিকিৎসালয়ত ভৰ্তি কৰা হ’ব।”

राष्ट्रवादी काँग्रेस पक्षाचे राष्ट्रीय अध्यक्ष आदरणीय शरद पवार साहेब यांची प्रकृती ठीक नसल्यामुळे पुढील तीन दिवस पवार साहेबांना मुंबईतील ब्रीज कॅन्डी रुग्णालयात उपचारासाठी दाखल करण्यात येणार आहे. #NCP pic.twitter.com/YpjqjcFw1E

— NCP (@NCPspeaks) October 31, 2022

এনচিপিৰ মতে অহা ২ নৱেম্বৰত পাৱাৰক চিকিৎসালয়ৰ পৰা অব্যাহতি দিয়াৰ সম্ভাৱনা আছে।

দলটোৱে লগতে কয় যে ৪-৫ নৱেম্বৰত শিৰডীত অনুষ্ঠিত হ’বলগীয়া দলৰ শিবিৰত পাৱাৰে অংশগ্ৰহণ কৰিব।

উল্লেখ্য যে বয়োজেষ্ঠ নেতাগৰাকীয়ে ৮ নৱেম্বৰত কংগ্ৰেছৰ ৰাহুল গান্ধী নেতৃত্বাধীন ‘ভাৰত যোদো যাত্ৰা’ত যোগদান কৰিব বুলি ইতিপূৰ্বে ঘোষণা কৰিছিল।