ৰাষ্ট্রীয় আৰু আন্ত:ৰাষ্ট্রীয় খ্যাতি আর্জন কৰা অসমৰ  চিনেমা প্রযোজকক সম্বৰ্ধনা  জনাব প্রযোজক সন্থায়

অইন বছৰৰ দৰে এই বছৰো ২৭ মে ২০১৮ ত সদৌ অসম চলচ্চিত্ৰ প্রযোজক সন্থাই ৰাষ্ট্ৰীয় আৰু আন্তঃৰাষ্ট্ৰীয় খ্যাতি আর্জন কৰা অসমৰ চিনেমাৰ প্রযোজকক সম্বৰ্ধনা  জনাবলৈ সিদ্ধান্ত গ্রহণ কৰিছে । আজি  অনুস্থিত প্রযোজক সন্থাৰ এক জৰুৰী কার্যনির্বাহক সভাত এই সিদ্ধান্ত গ্রহণ কৰা হয় বুলি সোমবাৰে এক প্ৰেছ বাৰ্তাৰ যোগেদি সদৌ অসম চলচ্চিত্ৰ প্রযোজক সন্থাৰ সাধাৰণ সম্পাদিকা জোনমণি দেৱী খাউন্দে জানিবলৈ দিয়ে যে।

সম্পাদিকা গৰাকীয়ে লগতে জানিবলৈ দিয়ে যে সন্থাৰ সভাপতি গুণীন বসুমতাৰীৰ অকাল বিয়োগৰ পাছত খালি হৈ থকা সভাপতিৰ পদবীত অৱসৰ প্রাপ্ত আৰক্ষী বিষয়া, কেইবাখনো আঞ্চলিক চিনেমাৰ প্রযোজনা কৰা দিলীপ কুমাৰ বৰাক ভাৰপ্রাপ্ত সভাপতি ৰূপে নির্বাচন কৰা হয় ।

এইবাৰ সম্বর্দ্ধনা অনুষ্ঠানত জীৱনযোৰা সাধনাৰ বাবে বিশেষ সম্বর্ধনা জনোবা হব চলচিত্র পৰিচালক হেমেন দাসক । উল্লেখযোগ্য যে যুজঁ, গৰখীয়া , মৃগনাভি আদি কেইবাখনো চলচ্চিত্ৰৰ বাবে  হেমেন দাসে ইতিমধ্যে ৰাষ্ট্রীয় সন্মান লাভ কৰিবলৈ সক্ষম হৈছে । লগতে নাট্যশিল্প , পম খেদি , চিনেমা চিনেমা , অভিনয় , অকণিহঁত- চিনেমা নির্মাণ কৰো আহা , চলচিত্রৰ প্রসংগত , শিল্প চিন্তা শীর্ষক কেইবাখনো গ্ৰন্থ প্ৰকাশ কৰি উলিয়ায় সমাদৰ লাভ কৰিছে ।

ইয়াৰ উপৰি অসম চলচ্চিত্ৰ প্ৰযোজক সন্থাৰ দ্বিবার্ষিক অধিবেশন খন অহা ২২ ছেপ্তেম্বৰ ২০১৮ত অনুস্থিত হ’ব বুলি সম্পাদিকা গৰাকীয়ে লগতে জানিবলৈ দিয়ে।

উল্লেখ্য যে ২০১৭ চনৰ এপ্রিলৰ পৰা ২০১৭ চনৰ ডিচেম্বৰ পর্যন্ত ৰাষ্ট্ৰীয় আৰু আন্ত:ৰাষ্ট্ৰীয়  সন্মান লাভ কৰা চিনেমা প্রযোজক সকলক অহা ১১ মে ২০১৮ৰ ভিতৰত সন্থাৰ  মেইল আই ডি [email protected] লৈ নিজৰ নিজৰ তথ্য সমূহ পঠিয়াবলৈ অনুৰোধ জনাইছে।