দুবছৰীয়া শিশুৰ পেটত টিভি ৰিম’টৰ বেটাৰী! ২০ মিনিটৰ অস্ত্ৰোপচাৰ কৰি উলিয়াই আনিলে চিকিৎসকে

এটি দুবছৰীয়া ল’ৰা শিশুৱে খেলি থাকোতে গিলি পেলাইছিল এটা পেঞ্চিল বেটাৰী। চিকিৎসকসকলে অস্ত্ৰোপচাৰ কৰি ইয়াক উলিয়াই দিছে। বৰ্তমান শিশুটি সুস্থ। ঘটনাটো কেৰালাৰ তিৰুৱন্তপুৰমত সংঘটিত হৈছিল।

বাতৰি অনুসৰি, শিশুটিয়ে ঘৰত এটা টিভি ৰিম’টৰ সৈতে খেলি আছিল। সেই সময়তে কেনেবাকৈ ৰিম’টত থকা পেঞ্চিল বেটাৰীটো গিলি পেলায়। তিৰুৱন্তপুৰমৰ এখন ব্যক্তিগত চিকিৎসালয়ত ইয়াক অস্ত্ৰোপচাৰৰ দ্বাৰা বাহিৰ কৰা হৈছে।

লগতে পঢ়ক: চতুৰ্থ শ্ৰেণীৰ ছাত্ৰক নিৰ্মম আতিশয্য শিক্ষকৰ: ওপৰ মহলাৰ পৰা দলিয়াই হত্যা কৰাৰ অভিযোগ

চিকিৎসালয়খনৰ এজন বিশেষজ্ঞ চিকিৎসকে জনায় যে শিশুটিক প্ৰথমতে তেওঁৰ ঘৰৰ ওচৰৰ এখন চিকিৎসালয়লৈ লৈ যোৱা হৈছিল। তাৰ পিছত তেওঁক ব্যক্তিগত চিকিৎসালয়খনলৈ লৈ অনা হয়।

শিশুটিৰ কি হৈছিল জনাৰ পিছত অস্ত্ৰোপচাৰৰ বাবে প্ৰস্তুতি আৰম্ভ কৰা হয়। অপাৰেচন থিয়েটাৰ সাজু কৰা হয়। পেঞ্চিলৰ বেটাৰীটো এনাস্থেচিয়াৰ দি অস্ত্ৰোপচাৰৰ জৰিয়তে শিশুটিৰ পেটৰ বেটাৰীটো উলিয়াই অনা হয়। অস্ত্ৰোপচাৰটো ২০ মিনিটৰ ভিতৰতে সম্পূৰ্ণ কৰা বুলি চিকিৎসকে জনায়।

চিকিৎসকে লগতে কয় যে চিকিৎসালয়লৈ সোনকালে অনাৰ বাবে কোনো ডাঙৰ বিপদ নোহোৱাকৈ বেটাৰীটো পাকস্থলীৰ পৰা বাহিৰ কৰি আনিব পৰা গ’ল। এণ্ডোস্কোপীৰ জৰিয়তে বেটাৰিটো আঁতৰোৱা হয়।

লগতে পঢ়ক: আৰ্জেণ্টিনাই বিশ্বকাপ জয়ৰ পিছতো ফিফা ৰেংকিঙৰ শীৰ্ষত আছে ব্ৰাজিল

চিকিৎসকগৰাকীয়ে কয় যে যদি বেটাৰীটো শৰীৰৰ ভিতৰৰ আন কোনো স্থানলৈ গ’লে অধিক বিপদ হ’লহেঁতেন। চিকিৎসকৰ মতে বেটাৰীটো পেটত থকাৰ বাবে কোনো বিপদ নোহোৱাকৈ আঁতৰ কৰা হৈছে। শিশুটি এতিয়া সুস্থ আৰু স্বাভাৱিক।