যোশীমঠত বিপৰ্যয়! চহৰজুৰি আতংকৰ চাপ: চাওক কিছু দৃশ্য

উত্তৰাখণ্ডৰ যোশীমঠ চহৰত সৃষ্টি হৈছে এক ভয়াৱহ পৰিস্থিতিৰ। চহৰজুৰি ভূমিস্খলনে সৃষ্টি কৰিছে আতংকৰ। ভূমিস্খলন, ভূমিকম্পৰ পাৰ্শ্বক্ৰিয়া, অপৰিকল্পিত উন্নয়নৰ এক ভয়াৱহ মিশ্ৰণৰ তাণ্ডৱত ডুব গৈছে যোশীমঠ।

স্থানীয় লোকৰ আতংকৰ মাজতে শুকুৰবাৰে পুষ্কৰ সিং ধামি নেতৃত্বাধীন উত্তৰাখণ্ড চৰকাৰে চহৰখনত দুৰ্যোগ ৰোধ কৰাৰ উদ্দেশ্যে কেইবাটাও ব্যৱস্থা গ্ৰহণৰ নিৰ্দেশ দিয়ে। মুখ্যমন্ত্ৰী ধামীয়ে বিপজ্জনক ঘৰত বাস কৰা ৬০০ পৰিয়ালক তৎকালীনভাৱে সুৰক্ষিত স্থানলৈ স্থানান্তৰিত কৰিবলৈ নিৰ্দেশ দিছে।

এনে বিপৰ্যয়ৰ পৰিণতিত প্ৰশাসনৰ পৰৱৰ্তী নিৰ্দেশ নোহোৱালৈকে এনটিপিচিৰ টাপোভান-বিষ্ণুগড় জলবিদ্যুৎ প্ৰকল্প আৰু মাৰৱাড়ী-হেলাং বাইপাছ মটৰ পথ তৎকালীনভাৱে বন্ধ কৰি দিয়া হৈছে। ইয়াৰ সমান্তৰালকৈ নিৰাপত্তাজনিত কাৰণত যোশীমঠ-আউলিৰ ৰ’পৱে বন্ধ কৰি দিয়া হৈছে।

ইয়াৰোপৰি মহানগৰ অঞ্চলত চলি থকা নিৰ্মাণ কাৰ্যৰ ওপৰতো নিষেধাজ্ঞা আৰোপ কৰা হৈছে।