চিৰ্দিলৈ যোৱাৰ পথত নাছিকত বাছ-ট্ৰাকৰ ভয়ংকৰ সংঘৰ্ষত নিহত কমেও ১০ জন; আহত ৩০ৰো অধিক

মহাৰাষ্ট্ৰৰ নাছিকত বাছ-ট্ৰাকৰ ভয়ংকৰ সংঘৰ্ষত কমেও ১০ জন লোক নিহত হৈছে। এই ঘটনাত আন বহু লোক আঘাতপ্ৰাপ্ত হৈছে। শুকুৰবাৰে পুৱা মহাৰাষ্ট্ৰৰ পাথাৰে গাঁৱৰ ওচৰৰ নাছিক-চিৰ্দি ৰাষ্ট্ৰীয় ঘাইপথত এই দুৰ্ঘটনাটো সংঘটিত হয়।

বাতৰি অনুসৰি, যাত্ৰীসকলে বাছযোগে চিৰ্দিলৈ গৈ আছিল। বাটত ট্ৰাকৰ সৈতে বাছখনৰ সংঘৰ্ষ ঘটে। থানে জিলাৰ অম্বৰনাথৰ পৰা বিলাসী বাছখন ৰাওনা হৈছিল। তাত ৪৫ জন যাত্ৰী আছিল। গন্তব্য স্থান আছিল চিৰ্দি।

লগতে পঢ়ক: বিপদত বিডেন! ঘৰৰ পৰা উদ্ধাৰ গোপন চৰকাৰী নথিপত্ৰ; তদন্তত ট্ৰাম্পৰ ঘনিষ্ঠ এটৰ্নি

পুৱা প্ৰায় ৬:৩০ বজাত ট্ৰাকৰ সৈতে সংঘৰ্ষটো সংঘটিত হয়। খবৰটো পোৱাৰ পিছত আৰক্ষী ঘটনাস্থলীত উপস্থিত হয়। আহতসকলক চিন্নাৰ গ্ৰাম্য চিকিৎসালয় আৰু এখন ব্যক্তিগত চিকিৎসালয়ত ভৰ্তি কৰোৱা হৈছে।

 মহাৰাষ্ট্ৰৰ মুখ্যমন্ত্ৰী একনাথ চিন্দেই ঘটনাটোত শোক প্ৰকাশ কৰিছে। তেওঁ মৃতকৰ পৰিয়ালক ৫ লাখ টকাৰ ক্ষতিপূৰণ ঘোষণা কৰিছে। তেওঁ লগতে ঘটনাটোৰ পুংখানুপুংখ তদন্তৰ নিৰ্দেশ দিছে।

লগতে পঢ়ক: দেৱিকা ৰাণীৰ দীৰ্ঘতম চুম্বন! সামাজিক প্ৰথা ভাঙি ৰূপালী পৰ্দাত দেখুৱাইছিল ‘প্ৰথম চুম্বন’ৰ পথ

দুৰ্ঘটনাটোৰ প্ৰকৃত কাৰণ এতিয়াও জানিব পৰা হোৱা নাই। মৃতসকলৰ ভিতৰত  সাতগৰাকী মহিলা, দুটা শিশু আৰু এজন পুৰুষ যাত্ৰী আছে। চৰকাৰে আহতসকলৰ চিকিৎসাৰ দায়িত্ব লৈছে।