পাকিস্তানৰ মছজিদত ভয়ংকৰ বিস্ফোৰণ; নিহত ২৮ জন, ১৫০ জন আহত

পাকিস্তানৰ পেছোৱাৰৰ পুলিচ লাইনচ অঞ্চলৰ এটা মছজিদত সংঘটিত এক ভয়ংকৰ বিস্ফোৰণত কমেও ২৮ জন লোক নিহত হৈছে। এই বিস্ফোৰণত আন ১৫০ জন লোক আহত হয়।

বাতৰি অনুসৰি পেছোৱাৰৰ আৰক্ষী আয়ুক্ত ৰিয়াজ মেহসুদে সোমবাৰে হোৱা আক্ৰমণত হতাহত বিষয়টো নিশ্চিত কৰিছে। তেওঁ জনায় যে এতিয়াও উদ্ধাৰ অভিযান চলি আছে।

লগতে পঢ়ক: পিতৃ পাকিস্তানী-মাতৃ বাংলাদেশী; কিন্তু পুত্ৰৰ নাম কিয় ৰাখিলে ইণ্ডিয়া?

আৰক্ষী আয়ুক্ত গৰাকীয়ে কয়, “সমগ্ৰ অঞ্চলটোত জৰুৰীকালীন অৱস্থা ঘোষণা কৰা হৈছে। আহতসকলক যথাসম্ভৱ উৎকৃষ্ট চিকিৎসা প্ৰদান কৰাৰ প্ৰচেষ্টা চলি আছে।‘’

স্থানীয় লেডী ৰিডিং হস্পিটেলৰ এগৰাকী মুখপাত্ৰই জানিবলৈ দি কয় যে আহতসকলৰ বহুতৰ অৱস্থা সংকটজনক। ফলত মৃত্যুৰ সংখ্যা আৰু বৃদ্ধি হোৱাৰ সম্ভাৱনা আছে।

সোমবাৰে দুপৰীয়া প্ৰায় ২:৪৫ বজাত এই বিস্ফোৰণৰ ঘটনাতো সংঘটিত হয়। এতিয়ালৈকে কোনো গোটে আক্ৰমণৰ দায়িত্ব স্বীকাৰ কৰা নাই।

লগতে পঢ়ক: ‘দেশক টানি আনি জালিয়াতি ঢাকিব পৰা নাযাৱ!’ আদানিৰ অভিযোগৰ প্ৰত্যুত্তৰ হিণ্ডেনবাৰ্গৰ

স্থানীয় আৰক্ষীয়ে বোমাটো মছজিদত ৰখা হৈছিল নে এইটো এটা আত্মঘাতী আক্ৰমণ আছিল সেই বিষয়ে কোনো তথ্য দিব পৰা নাই।