শিলসাঁকোৰ পৰা স্থানান্তৰ কৰিব লাগিব জিঞ্জাৰ হোটেল, মুখ্যমন্ত্ৰীৰ নিৰ্দেশ

গুৱাহাটী উচ্চ ন্যায়ালয়ে শিলসাঁকো উচ্ছেদৰ স্থগিত ৰখাৰ নিৰ্দেশ দিয়াৰ পাছতে মুখ্যমন্ত্ৰী হিমন্ত বিশ্ব শৰ্মাই হোটেল জিঞ্জাৰ, অমিয় কুমাৰ দাস ইনষ্টিটউচন অৱ ছ’চিয়েল চায়েন্স আদি প্ৰতিষ্ঠানসমূহ শিলসাঁকোৰ পৰা স্থানান্তৰ কৰিব লাগিব বুলি সদৰী কৰিছে।

ইতিমধ্যে মুখ্যমন্ত্ৰী ডঃ শৰ্মাই টুইট কৰি কৈছে যে ইয়াৰ পদক্ষেপ গ্ৰহণ কৰিবলৈ কামৰূপ মহানগৰ জিলা প্ৰশাসনক নিৰ্দেশ দিয়া হৈছে।

“হোটেল জিংগাৰ, অ’কেডি ইনষ্টিটিউচন অৱ ছ’চিয়েল চেঞ্জ ইত্যাদি প্ৰতিষ্ঠানসমূহ তৎকালীনভাৱে শিলসাঁকোৰ পৰা স্থানান্তৰিত কৰাৰ পদক্ষেপ ল’বলৈ মই কামৰূপ (মহানগৰ)ৰ উপায়ুক্তক নিৰ্দেশ দিছোঁ।” মুখ্যমন্ত্ৰী শৰ্মাই কয়।

I have instructed the DC, Kamrup (Metro) to take steps to immediately shift institutions like Hotel Zinger, OKD Institutions of Social Change, etc. from Silsako. We must remembering Wetlands are natural solution to the global threat of climate change.

— Himanta Biswa Sarma (@himantabiswa) March 1, 2023

উল্লেখ্য যে প্ৰশাসনে শিলসাঁকোত উচ্ছেদ অভিযান চলোৱাৰ পাছতে হোটেল জিঞ্জাৰ আৰু সাংসদ বদৰুদ্দিন আজমলৰ ভূমি আৰু অন্যান্য প্ৰতিষ্ঠানসমূহকো প্ৰশাসনে লক্ষ্য কৰি ল’ব লাগিব বুলি দাবী উত্থাপন হৈছিল।

ইয়াৰ পাছতে মুখ্যমন্ত্ৰীয়ে হোটেল জিঞ্জাৰ, অমিয় কুমাৰ দাস ইনষ্টিটউচন অৱ ছ’চিয়েল চায়েন্সৰ বিৰুদ্ধে ব্যৱস্থা গ্ৰহণৰ নিৰ্দেশ দিলেও সাংসদ বদৰুদ্দিন আজমলৰ ভূ আৰু অন্যান্য সম্পত্তি সন্দৰ্ভত এতিয়ালৈকে কোনো মন্তব্য কৰা নাই।

ইফালে জিএমডিৰ অধ্যক্ষ নৰায়াণ ডেকাই সাংসদ বদৰুদ্দিন আজমলৰ ভূমিটো উচ্ছেদ চলোৱাৰ লগতে সকলো ভূমিক পুনৰ দখল কৰিব বুলি উল্লেখ কৰিছে।