ডাঙৰ খবৰ : ২০২৩ ৰ ক্ৰিকেট বিশ্বকাপ অনুষ্ঠিত হ’ব বৰ্ষাপাৰাত
২০২৩ চনত ভাৰতত অনুষ্ঠিত হ’বলগীয়া আই চি চি ক্ৰিকেট বিশ্বকাপৰ বাবে ষ্টেডিয়ামৰ তালিকাত নাম উঠিছে গুৱাহাটী বৰ্ষাপাৰা ক্ৰিকেট ষ্টেডিয়ামৰ।
EspnCricinfo ৰ তথ্য অনুসৰি আন্তঃৰাষ্ট্ৰীয় ক্ৰিকেট পৰিষদে ঘোষণা কৰিছে যে অহা ১৯ নৱেম্বৰত আহমেদাবাদৰ নৰেন্দ্ৰ মোডী ষ্টেডিয়ামত অনুষ্ঠিত হ’ব ২০২৩ চনৰ ক্ৰিকেট বিশ্বকাপৰ ফাইনেল।
৫ অক্টোবৰৰ পৰা আৰম্ভ হ’বলগীয়া এই প্ৰতিযোগিতাখনত ৪৬ দিনত ৪৮খন খেল অনুষ্ঠিত হ’ব আৰু সমগ্ৰ ভাৰতৰ ১২খন চহৰত অনুষ্ঠিত হ’ব। এই চহৰসমূহৰ ভিতৰত আছে আহমেদাবাদ, বেংগালুৰু, চেন্নাই, দিল্লী, ধৰ্মশালা, গুৱাহাটী, হায়দৰাবাদ, কলকাতা, লক্ষ্ণৌ, ইন্দোৰ, ৰাজকোট, আৰু মুম্বাই।
১৯৮৭ চনত কলিকতাৰ ইডেন গাৰ্ডেন আৰু ২০১১ চনত মুম্বাইৰ ৱানকেডে ষ্টেডিয়ামৰ পিছত ২০২৩ চনত নৰেন্দ্ৰ মোডী ষ্টেডিয়ামত অনুষ্ঠিত হ’ব ক্ৰিকেটৰ বিশ্বকাপৰ ফাইনেল। উল্লেখ্য যে একেলগে ১ লাখ ৩০ হাজাৰ দৰ্শকে খেল উপভোগ কৰিব সুবিধা আছে নৰেন্দ্ৰ মোডী ষ্টেডিয়ামত।
২০১৭ চনত নিৰ্মাণ কৰা বৰ্ষাপাৰা ষ্টেডিয়ামত ২৫ হাজাৰ দৰ্শক বহাৰ ক্ষমতা আছে। এইখন হৈছে অসম ক্ৰিকেট দল আৰু উত্তৰ–পূব সীমান্ত ৰেলৱে ক্ৰিকেট দলৰ ঘৰুৱা খেলপথাৰ।
ইণ্ডিয়ান প্ৰিমিয়াৰ লীগৰ মেচ অনুষ্ঠিত কৰিবৰ বাবেও বৰ্ষাপাৰা ষ্টেডিয়াম ব্যৱহাৰ কৰা হয়।
You may also like
কংগ্ৰেছত যোগদান অৰুণাচল প্ৰদেশৰ প্ৰাক্তন গৃহমন্ত্ৰী কুমাৰ ৱাইৰ
অৰুণাচল প্ৰদেশৰ প্ৰাক্তন গৃহমন্ত্ৰী কুমাৰ ৱাইয়ে বুধবাৰে দিল্লীস্থিত দলৰ মুখ্য কাৰ্যালয়ত কংগ্ৰেছত যোগদান কৰে। এই উপলক্ষে কংগ্ৰেছৰ ৰাষ্ট্ৰীয় সাধাৰণ সম্পাদক কে চি…
ভাৰত বায়’টেকৰ নাকেৰে ড্ৰপৰ ৰূপত ল’ব পৰা ভেকচিনৰ পৰীক্ষণত অনুমোদন বিশেষজ্ঞ সমিতিৰ
দেশত এতিয়া কোভিডৰ দুটাকৈ ভেকচিন সাধাৰণ লোকৰ মাজত প্ৰয়োগৰ কাম চলি আছে। এনে সময়তে আজি CDSCO ৰ বিশেষজ্ঞ সমিতিয়ে ভাৰত বায়’টেকে প্ৰস্তুত…
অসমত উপ-নিৰ্বাচনৰ দিন ঘোষণা; ১৩ নৱেম্বৰত ৫খন আসনত ভোটদান, ২৩ নৱেম্বৰত ফলাফল
অসমৰ পাঁচখন বিধানসভাৰ আসনৰ উপ-নিৰ্বাচন অহা ১৩ নৱেম্বৰত অনুষ্ঠিত হ’ব বুলি নিৰ্বাচন আয়োগে ঘোষণা কৰাৰ লগতে ২৩ নৱেম্বৰত ফলাফল ঘোষণা হ’ব বুলি…
প্ৰাক্তন মুখ্য মন্ত্ৰী তৰুণ গগৈ কোভিড-১৯ প’জিটিভ
ক’ৰ’নাত আক্ৰান্ত হৈছে অসমৰ প্ৰাক্তন মুখ্য মন্ত্ৰী তৰুণ গগৈ। টুইটাৰযোগে প্ৰাক্তন মুখ্য মন্ত্ৰী গগৈয়ে নিজে ক’ৰ’না ভাইৰাছৰ দ্বাৰা সংক্ৰমিত হোৱা বুলি প্ৰকাশ…