শিক্ষাৰ্থীক ‘প্ৰেম-ৰোমাঞ্চ’ কৰাৰ বাবে এসপ্তাহৰ ছুটী চীনৰ কলেজৰ! হঠাৎ কিয় এই সিদ্ধান্ত?

চীনৰ কলেজসমূহে শিক্ষাৰ্থীসকলক ‘প্ৰেম আৰু ৰোমাঞ্চ’ৰ বাবে এসপ্তাহৰ ছুটী দিছে। কিন্তু কিয় হঠাতে এই সিদ্ধান্ত লোৱা হ’ল? কথাটো আজৱ যেন লাগিলেও তাৰ কেইবাটাও সংবাদ মাধ্যমে এই সিদ্ধান্ত পৰীক্ষামূলকভাৱে লোৱা বুলি দাবী কৰিছে।

বাতৰিসমূহৰ মতে, যোৱা ২১ মাৰ্চত প্ৰথমবাৰৰ বাবে এই সিদ্ধান্ত ঘোষণা কৰা হৈছিল। বৰ্তমান কলেজসমূহত ১ এপ্ৰিলৰ পৰা ৭ এপ্ৰিললৈ বন্ধ ঘোষণা কৰা হৈছে। যাক কলেজ কৰ্তৃপক্ষই ‘বসন্ত বিৰতি’ (Spring Break) বুলি কৈছে। এনে কলেজসমূহৰ ভিতৰত এখন হৈছে মিয়ায়াং ফ্লাইং ভ’কেশ্যনেল কলেজ।

লগতে পঢ়ক: ভাৰতত আমেৰিকাৰ গায়ক! পত্নীৰ পৰামৰ্শ মতে মুম্বাইৰ অনুষ্ঠানত সংগীত পৰিৱেশনত সন্মতি

এই বন্ধৰ সময়ছোৱাত কৰ্তৃপক্ষই শিক্ষাৰ্থীসকলক নিজৰ সংগীৰ সৈতে যিমান বিচাৰে সিমান প্ৰেম আৰু ৰোমাঞ্চ কৰিবলৈ কয়। প্ৰয়োজন হ’লে সংগী বিচাৰি এসপ্তাহ সময় কটাবলৈও পৰামৰ্শ দিয়া হৈছে।

কেৱল সংগীৰ সৈতেই প্ৰেম নহয়, প্ৰকৃতিৰ সৈতে প্ৰেম, জীৱনৰ সৈতে প্ৰেম কৰাৰো শিক্ষাৰ্থীসকলক পৰামৰ্শ দিয়া হৈছে। কলেজখনৰ ডেপুটি ডীনগৰাকীয়ে কয়, “আশাকৰোঁ এই সময়ছোৱাত ছাত্ৰ-ছাত্ৰীসকলে প্ৰকৃতি আৰু বসন্তৰ বতৰ ভালদৰে উপভোগ কৰিব।”

তেওঁ দাবী কৰে যে ইয়াৰ দ্বাৰা শিক্ষাৰ্থীৰ চিন্তা-চৰ্চা বিকাশ হোৱাই নহয়, তেওঁলোকৰ শিক্ষণ ক্ষমতাও সমৃদ্ধ হ’ব। এই সময়ছোৱাত কোনো শিক্ষাৰ্থীয়ে ‘হোমৱৰ্ক’ কৰিব নালাগে। শিক্ষাৰ্থীসকলক নিৰ্দেশ দিয়া হৈছে যে তেওঁলোকে কেৱল তেওঁলোকে যি দেখিলে, যি শিকিলে, যি অনুভৱ কৰিলে কেবল সেইখিনিহে ডায়েৰীত লিপিবদ্ধ কৰিব লাগে।

লগতে পঢ়ক: ধনীৰ চখ! মেটাৰ কাম এৰি মডেলিং মাৰ্ক জুকাৰবাৰ্গৰ? ভাইৰেল ছবি দেখি ৰ লাগিল নেটিজেন

কিন্তু প্ৰশ্ন হ’ল কিয় লোৱা হৈছে এনে সিদ্ধান্ত? স্থানীয় একাংশ সংবাদ মাধ্যমৰ বাতৰি অনুসৰি চীনৰ জন্মৰ হাৰ দ্ৰুতগতিত হ্ৰাস পাইছে। সেই লৈ চিন্তিত হৈ পৰিছে চৰকাৰ। জন্মৰ হাৰ কেনেকৈ বৃদ্ধি কৰিব পাৰি সেই সম্পৰ্কে বিভিন্ন পৰিকল্পনা কৰা হৈছে। কলেজসমূহেও সেই কামত চৰকাৰক সহায় কৰিবলৈ আগবাঢ়ি আহিছে।