Twitter logo changed: সলনি হ’ল টুইটাৰৰ ল’গ’, নীলা চৰাইটো আঁতৰিল, ইলন মাস্কৰ সৌজন্যত স্থান পালে কুকুৰৰ ছবি

সেই পৰিচিত নীলা চৰাইটো আৰু নাই। আগতে টুইটাৰ মানে টুইটাৰ লিখা থকাৰ লগতে আহিছিল নীলা চৰাইটো। সেই ঠাইত এতিয়া এটা কুকুৰৰ ছবিয়ে স্থান লৈছে।

টুইটাৰৰ বৰ্তমানৰ মুৰব্বী ইলন মাস্কৰ সৌজন্যত টুইটাৰৰ চিৰ পৰিচিত ল’গ’টো সলনি হ’ল। ৩ এপ্ৰিলৰ পৰা এই ডগ মিমে টুইটাৰৰ পৰিচয় আগবঢ়াই নিব।

লগতে পঢ়ক: সীমান্তত উচটনিয়েই নহয়, আৰু কীৰ্তি শত্ৰু চীনৰ! এইবাৰ সলাই পেলালে অৰুণাচলৰ ১১ টা স্থানৰ নাম

ভাৰতীয় সময় অনুসৰি সোমবাৰে নিশাৰ পৰা একাউণ্ট খুলি আচৰিত হৈ পৰে টুইটাৰ ব্যৱহাৰকাৰীসকল। কাৰণ একাউণ্টৰ মূৰৰ পৰা অন্তৰ্ধান হৈ পৰিল নীলা চৰাইটো।তাৰ ঠাইত বহিল এতিয়া এটা কুকুৰৰ মিম।

জনা যায় যে ২০১৩ চনত এই কুকুৰৰ মিমটো টুইটাৰত জনপ্ৰিয় হৈ পৰিছিল। এই কুকুৰৰ মিমটো ব্লকচেইন আৰু ক্ৰিপ্টোকাৰেন্সীৰ বিষয়ে এটা ধেমালিৰ টুইটৰ অংশ হিচাপে পোষ্ট কৰা হৈছিল।

লগতে পঢ়ক: গঁড়ৰ খৰ্গৰ সৈতে ধেমাজিত তিনিজনক গ্ৰেপ্তাৰ

কিন্তু টুইটাৰ ব্যৱহাৰকাৰীসকলে এই কুকুৰৰ মিমটোৱে টুইটাৰৰ ব্লু বাৰ্ডৰ আকৰ্ষণক ছেৰ পেলাব বুলি মানি ল’বলৈ ইচ্ছুক নহয়। তেওঁলোকৰ মতে এটা মিম জনপ্ৰিয় হ’ব পাৰে, সেইবুলি এটা প্ৰডাক্টৰ এটা পৰিচয় থাকে আৰু এটা সফল প্ৰডাক্টৰ এই অন্যতম পৰিচয়ত সমৃদ্ধি লাভ কৰাৰ ক্ষমতা থাকে।

pic.twitter.com/wmN5WxUhfQ

— Elon Musk (@elonmusk) April 3, 2023

উদাহৰণস্বৰূপে টুইটাৰৰ ব্লু বাৰ্ড। ই কেৱল নীলা চৰাইৰ প্ৰতিচ্ছবি নহয়, ই মতামত আৰু চিন্তাৰ মুক্ত প্ৰকাশকো প্ৰতিনিধিত্ব কৰে। এই টুইটাৰ ব্যৱহাৰকাৰীসকলে অনুভৱ কৰে যে কুকুৰৰ মিমৰ ল’গ’টোৱে টুইটাৰৰ প্ৰসাৰক বহু পৰিমাণে সীমিত কৰি পেলালে।