মা কালীক অপমান যুদ্ধ বিধ্বস্ত ইউক্ৰেইনৰ : টুইটাৰত প্ৰচাৰ কৰিলে মা কালীৰ বিকৃত ছবি

ৰাছিয়াৰ আক্ৰমণত বিধ্বস্ত হোৱা ইউক্ৰেইনে এইবাৰ আক্ৰমণৰ লক্ষ্য কৰি লৈছে নেকি ভাৰতীয় সভ্যতাক? হিন্দু ধৰ্মৰ উপাস্য দেৱী মা কালিক বিকৃত ৰূপত প্ৰচাৰ কৰি শ্লেষাত্মকভাবে ভাৰতক অপমান কৰিছে ইউক্ৰেইনৰ প্ৰতিৰক্ষা মন্ত্ৰীয়ে। ইতিমধ্যে সমগ্ৰ বিশ্বতে এই বিষয়টোৱে চৰ্চা লাভ কৰিছে।

ইউক্ৰেইনৰ প্ৰতিৰক্ষা বিভাগৰ মন্ত্ৰীয়ে সামাজিক মাধ্যমত প্ৰচাৰ কৰিছে মা কালীৰ এখন বিশেষ ছবি।

ইউক্ৰেইনৰ প্ৰতিৰক্ষা মন্ত্ৰালয়ে দেওবাৰে নিজৰ টুইটাৰ একাউণ্টত এই ফটো প্ৰকাশ কৰিছে। যদিও ইউক্ৰেইনে এই ছবিখনক এক বিশুদ্ধ শিল্প কৰ্ম হিচাপে দাবী কৰিছে তথাপি ইয়াৰ দ্বাৰা যে ভাৰতীয় উপাস্য দেৱী মা কালীক বিকৃত আৰু অপমান কৰা হৈছে সি ধুৰূপ।

উল্লেখযোগ্য যে যোৱা বছৰৰ জুন-জুলাই মাহত কানাডাত বাস কৰা ভাৰতীয় মহিলা চলচ্চিত্ৰ পৰিচালক লীনা মণিমেকলাইয়ে মা কালীয়ে চিগাৰেট সেৱন কৰি থকা এখন ছবি প্ৰকাশ কৰিছিল।

এই ছবিৰ বিৰুদ্ধে থিয় দি বহুতে লীনাক গ্ৰেপ্তাৰৰ দাবী জনাইছিল যদিও তৃণমূলৰ সাংসদ মহুৱা মৈত্ৰাই তেওঁৰ কাষত থিয় দিছিল। মহুৱাই কৈছিল, “মা কালি মদ আৰু মাংসৰ দেৱী। তেন্তে চিগাৰেট খোৱাৰ আপত্তি কি?”

এতিয়া ইউক্ৰেইনে ভাৰতীয় উপাস্য দেৱীক উপহাস কৰাক লৈ প্ৰতিক্ৰিয়াৰ সৃষ্টি হৈছে আন্তঃৰাষ্ট্ৰীয় মহলত।