কি হৈছে অসমত? এইবাৰ গহপুৰত যুৱতীক দলবদ্ধ ধৰ্ষণ; অভিযুক্তক গ্ৰেপ্তাৰ

গহপুৰত এগৰাকী ২০ বছৰীয়া যুৱতীক অপহৰণ কৰি এখন চলন্ত গাড়ীৰ ভিতৰতে দলবদ্ধ ধৰ্ষণৰ অভিযোগ উঠিছে।

মাৰ্ঘেৰিটাৰ চাঞ্চল্যকৰ ধৰ্ষণ আৰু হত্যাৰ গোচৰ পোহৰলৈ অহাৰ মাত্ৰ এদিন পিছতে শুকুৰবাৰে (৫ মে’ত) সংঘটিত হয় এই ঘটনা।

বাতৰি অনুসৰি, ঘটনাৰ মাষ্টাৰমাইণ্ড পোৰনছাদগৌৰা বসুমতাৰী নামৰ এজন ব্যক্তিয়ে তেওঁৰ নীলা গাড়ীৰে যুৱতীগৰাকীক ঘৰৰ পৰা লৈ গৈছিল।

লগতে পঢ়ক: মনোৰোগ বিশেষজ্ঞ ডাঃ সংগীতা দত্ত আৰু তেওঁৰ স্বামীৰ বিৰুদ্ধে নাবালিকা কন্যাক ‘নিৰ্যাতনৰ’ অভিযোগ

আন দুজন অভিযুক্ত সোহেন গয়াৰী আৰু বিজয় মুছাহাৰীয়ে সমগ্ৰ ধৰ্ষণৰ ঘটনাটো নিজৰ মোবাইলত ৰেকৰ্ড কৰাৰ অভিযোগ উঠিছে।

ঘটনাৰ পিছত বাহনখনৰ পৰা নমাই দিয়াৰ পিছতে আৰক্ষীৰ কাষ চাপিছিল ভুক্তভোগী যুৱতীগৰাকীয়ে।

অভিযোগৰ ভিত্তিত আৰক্ষীয়ে ক্ষীপ্ৰ ব্যৱস্থা গ্ৰহণ কৰি ঘটনাৰ লগত জড়িত অভিযুক্তক গ্ৰেপ্তাৰ কৰে।

লগতে পঢ়ক: হিংসাত জ্বলিছে মণিপুৰ! ইম্ফলত আয়কৰ বিষয়াক বাসগৃহৰ পৰা টানি উলিয়াই আনি হত্যা

অভিযুক্তৰ বিৰুদ্ধে আইনৰ সংশ্লিষ্ট ধাৰাত গোচৰ ৰুজু কৰি তদন্ত অব্যাহত ৰাখিছে।