আদালতৰ নিৰ্দেশ! আজি খড়গপুৰ আই আই টিৰ ছাত্ৰ ফাইজানৰ মৃতদেহৰ কবৰত চলোৱা হ’ব খনন

মঙলবাৰে ডিব্ৰুগড়ৰ আমোলাপট্টী কবৰস্থানত আই আই টি খড়গপুৰৰ ছাত্ৰ ফাইজান আহমেদৰ কবৰত খনন চলোৱাৰ কথা।

কলিকতা উচ্চ ন্যায়ালয়ৰ ২৫ এপ্ৰিলৰ নিৰ্দেশ কাৰ্যকৰী কৰিবলৈ আৰক্ষী পৰিদৰ্শক বিশ্বৰঞ্জন বেনাৰ্জী (আই অ’)ৰ নেতৃত্বত খড়গপুৰ টাউন থানাৰ এটা ৪ জনীয়া দল ডিব্ৰুগড়ত উপস্থিত হয় য’ত কোৱা হৈছিল যে আই আই টি খড়গপুৰৰ ছাত্ৰজনৰ মৃতদেহ তেওঁৰ সমাধিস্থলৰ পৰা খনন কৰি কলিকতা চিকিৎসা মহাবিদ্যালয় আৰু চিকিৎসালয়ত দ্বিতীয়বাৰৰ বাবে মৰণোত্তৰ পৰীক্ষা কৰিব লাগিব কিয়নো তেওঁৰ মৃত্যুৰ আঁৰৰ সত্যটো উলিয়াই অনাটো প্ৰয়োজনীয়।

তিনিচুকীয়াৰ ফাইজান আহমেদৰ মৃতদেহ ডিব্ৰুগড় চহৰৰ আমোলাপট্টি কবৰস্থানত সমাধিস্থ কৰা হৈছিল।

লগতে পঢ়ক: মাৰাত্মক ড্ৰাগছৰ কবলত অভিনেতা! আদিত্য সিং ৰাজপুতৰ মৃত্যু ৰহস্য; বাথৰুমত উদ্ধাৰ মৃতদেহ

এই সংবাদদাতাৰ সৈতে হোৱা কথোপকথনত ডিব্ৰুগড়ৰ অতিৰিক্ত আৰক্ষী অধীক্ষক বিতুল চেতিয়াই কয় যে মৃতদেহটো মঙলবাৰে খনন কৰাৰ কথা। এটা ফৰেনছিক দলে এই খনন কৰিব।

জানিব পৰা মতে, বংগ আৰক্ষীৰ দলটোৱে গুৱাহাটীৰ পৰাও ফৰেনছিক বিশেষজ্ঞৰ সহায় বিচাৰিছে।

ইয়াৰ পূৰ্বে কোৱা হৈছিল যে অসম চিকিৎসা মহাবিদ্যালয় হাস্পাতল (এএমচিএইচ), ডিব্ৰুগড়ৰ ফৰেনছিক বিভাগে খনন প্ৰক্ৰিয়া সম্পন্ন কৰিব।

অৱশ্যে সন্ধিয়ালৈকে আৰক্ষীৰ দলটোৱে এ এম চি এইচ কৰ্তৃপক্ষৰ সৈতে যোগাযোগ কৰা নাই বুলি এ এম চি এইচৰ অধীক্ষক ডাঃ প্ৰসন্ত দিহিঙীয়াৰ পৰা জানিব পৰা গৈছে  ।

লগতে পঢ়ক: জন্ম, মৃত্যুৰ তথ্য ভোটাৰ তালিকাৰ সৈতে সংযোগ কৰিবলৈ চৰকাৰে আনিব বিধেয়ক: গৃহমন্ত্ৰী শ্বাহ

তেইশ বছৰীয়া ফাইজান আই আই টি খড়গপুৰৰ মেকানিকেল ইঞ্জিনিয়াৰিঙৰ তৃতীয় বৰ্ষৰ ছাত্ৰ আছিল। ২০২২ চনৰ ১৪ অক্টোবৰত তেওঁৰ উৱলি যোৱা মৃতদেহ লালা লাজপট ৰায় হল অৱ ৰেচিডেন্সৰ তেওঁৰ হোষ্টেলৰ কোঠাত উদ্ধাৰ হয়।

মহাবিদ্যালয় প্ৰশাসনে জানিবলৈ ছাত্ৰজনে আত্মহত্যা কৰা বুলি জানিবলৈ দিয়াৰ বিপৰীতে পৰিয়ালৰ লোকে তেওঁক হত্যা কৰা বুলি দাবী কৰে। ফাইজানৰ পিতৃ-মাতৃয়ে তেওঁলোকৰ পুত্ৰক হত্যা কৰা বুলি অভিযোগ কৰি কলিকতা উচ্চ ন্যায়ালয়ত ৰিট আবেদন দাখিল কৰে।

লগতে পঢ়ক: চলিত বৰ্ষৰ নৱেম্বৰৰ ভিতৰত অসমৰ পৰা আফস্পা সম্পূৰ্ণৰূপে উঠাই লোৱাৰ সম্ভাৱনা আছে: মুখ্যমন্ত্ৰী

ন্যায়াধীশ ৰাজশেখৰ মান্থাই ২৫ এপ্ৰিলত দিয়া নিৰ্দেশত কয় যে, ‘এই আদালতৰ মতে দ্বিতীয়বাৰৰ বাবে মৰণোত্তৰ পৰীক্ষা কৰাটো প্ৰয়োজনীয়। অসমত মুছলমান ৰীতি-নীতি অনুযায়ী মৃতদেহ সৎকাৰ কৰা হৈছে। ফাইজান আহমেদৰ মৃতদেহ খনন কৰা হওক। বিষয়টোৰ তদন্তকাৰী বিষয়াই অসম আৰক্ষীৰ সৈতে সমন্বয় ৰক্ষা কৰি মৃতদেহ বা মৃতদেহৰ অংশ খনন কৰি কলকাতালৈ আনি ৰাজ্য আৰক্ষীয়ে নতুনকৈ মৰণোত্তৰ পৰীক্ষা কৰাটো নিশ্চিত কৰিব লাগিব।”