যুৱকে আপত্তিজনক ফটো অনলাইনত পোষ্ট কৰাৰ পিছতে মহানগৰীত আত্মহনন ১৯ বছৰীয়া যুৱতীৰ

অভিযোগ অনুসৰি গুৱাহাটী মহানগৰীত এগৰাকী ১৯ বছৰীয়া যুৱতীৰ আপত্তিজনক ফটো এজন যুৱকে ছ’চিয়েল মিডিয়াত আপলোড কৰাৰ পিছতে যুৱতীগৰাকীয়ে আত্মহননৰ পথ লয়।

আৰক্ষীয়ে জনোৱা মতে, সোমবাৰে পুৱা প্ৰায় ১১ বজাত গুৱাহাটীৰ চান্দমাৰী আৰক্ষী থানাৰ অন্তৰ্গত গান্ধী মণ্ডপ অঞ্চলৰ নিজা বাসগৃহত যুৱতীগৰাকীয়ে চিপ লৈ মৃত্যুক সাৱটে।

লগতে পঢ়ক: ছান ফ্ৰান্সিস্কোত ভাৰতীয় দূতাবাসত অগ্নিসংযোগ খালিস্তানপন্থীৰ! পাঁচ মাহত দ্বিতীয়টো আক্ৰমণ

যুৱতীগৰাকীয়ে এৰি থৈ যোৱা এখন ছুইচাইড নোটৰ ভিত্তিত অমিত মেধি নামৰ যুৱকজনক গ্ৰেপ্তাৰ কৰিছে আৰক্ষীয়ে।

আৰক্ষীয়ে জনোৱা মতে, গ্ৰেপ্তাৰৰ পিছত অভিযুক্তৰ ফোনত যুৱতীগৰাকীৰ লগতে আন কেইগৰাকীমান ছোৱালীৰো আপত্তিজনক ফটো উদ্ধাৰ হৈছে।

মহানগৰ আৰক্ষীৰ এগৰাকী বিষয়াই কয় যে, ‘ছ’চিয়েল মিডিয়াত আপত্তিজনক ছবি পোষ্ট কৰি যিকোনো ব্যক্তিক অসন্মান কৰাৰ সৈতে জড়িত ধাৰাসমূহৰ অধীনত গোচৰ ৰুজু কৰা হৈছে… তেওঁৰ এই কাৰ্য্যই যুৱতীগৰাকীক আত্মহননৰ বাবে কৰিবলৈ প্ৰৰোচিত কৰিছিল।

লগতে পঢ়ক: গৰমত অস্বস্তি! ৰাস্তাৰ মাজতে গাড়ী ৰখাই অন্তৰ্বাস পিন্ধিয়েই নদীত জাপ দিলে পাক প্ৰতিৰক্ষা মন্ত্ৰীয়ে!

স্থানীয় আদালতে অভিযুক্তক দুসপ্তাহৰ বাবে আৰক্ষীৰ জিম্মালৈ প্ৰেৰণ কৰিছে।