তিনিটা লাভ : মাহেকীয়াৰ সময়ত চেনিটেৰী নেপকিনৰ সলনি কিয় ব্যৱহাৰ কৰিব লাগে ‘মেনস্ট্রুৱেল কাপ’?

শেহতীয়াকৈ বহু মহিলাই ঋতুস্ৰাৱৰ সময়ত চেনিটেৰী নেপকিনৰ সলনি ‘মেনস্ট্রুৱেল কাপ’ বা ঋতুস্ৰাৱৰ কাপ ব্যৱহাৰ কৰিছে। বিশ্বৰ বাকী অংশত দিনক দিনে মাহেকীয়া কাপৰ জনপ্ৰিয়তা বাঢ়িছে যদিও ভাৰতীয় বজাৰত মাহেকীয়া কাপৰ চাহিদা লক্ষ্যণীয় নহয়।

ঋতুস্ৰাৱৰ কাপ কি? ই হৈছে ৰবৰ বা চিলিকনেৰে নিৰ্মিত এটা দেখাত চুপিৰ দৰে এটা কাপ। ইয়াক সৰু ফানেলৰ দৰে দেখা যায়। ঋতুস্ৰাৱৰ সময়ত ইয়াক ভাঁজ কৰি যোনিৰ মাজেৰে সুমুৱাই দিব লাগে। ইয়াৰ পিছত ই ছাতিৰ দৰে খোল খায় আৰু জৰায়ুৰ মুখত আবদ্ধ হৈ পৰে। 

ঋতুস্ৰাৱৰ সময়ত তাত ঋতুস্ৰাৱৰ তেজ জমা হয়। যিহেতু যোনিৰ ভিতৰত ঋতুস্ৰাৱৰ কাপটো সুমুৱাই দিব লগা হয়, গতিকে সৰু আৰু অবিবাহিত ছোৱালীয়ে ইয়াক ব্যৱহাৰ কৰিবলৈ ভয় কৰা দেখা যায়। কিন্তু এই কাপটো সকলোৰে বাবে নিৰাপদ, গতিকে যিকোনো বয়সৰ ছোৱালী বা মহিলাই ইয়াক ব্যৱহাৰ কৰিব পাৰে।

চেনিটেৰী নেপকিনতকৈ ঋতুস্ৰাৱৰ কাপ ব্যৱহাৰ কৰাটো কিয় অধিক সুবিধাজনক?

১) ঋতুস্ৰাৱৰ কাপ পুনৰ ব্যৱহাৰযোগ্য। এটা কাপ পাঁচ বছৰলৈকে ব্যৱহাৰ কৰিব পাৰি। মাত্ৰ কাপটো চাফা কৰাৰ সঠিক উপায় জানিব লাগিব। ঋতুস্ৰাৱ আৰম্ভ হোৱাৰ আগতে প্ৰতিমাহে কাপটো বীজাণুমুক্ত কৰিব লাগে। ব্যৱহাৰৰ পিছত মিনাৰেল ৱাটাৰেৰে পৰিষ্কাৰ কৰি পুনৰ বীজাণুমুক্ত কৰি নিৰ্দিষ্ট পেকেটত ৰাখিব। খোলাকৈ নাৰাখিব। এই মাহেকীয়া কাপতকৈ চেনিটেৰী পেডত বহুত বেছি খৰচী।

২) মাহেকীয়া কাপৰ ফলত যোনিৰ সংক্ৰমণৰ আশংকা প্ৰায় নাই। এই ক্ষেত্ৰত কোনো ধৰণৰ বিৰক্তি অনুভৱ কৰা নাযায়। বৰঞ্চ চেনিটেৰী নেপকিন ব্যৱহাৰ কৰিলে যোনিৰ চাৰিওফালে ফোহা ওলাব পাৰে। একেটা পেড দীৰ্ঘ সময় ব্যৱহাৰ কৰিলে যোনিৰ সংক্ৰমণৰ সম্ভাৱনা বৃদ্ধি পায়। ইয়াৰ উপৰিও ছাৰ্ভাইকেল কেন্সাৰ হোৱাৰ সম্ভাৱনাও বৃদ্ধি পায়। গতিকে পেডতকৈ ঋতুস্ৰাৱৰ কাপ ব্যৱহাৰ কৰাটো বহুগুণে বেছি স্বাস্থ্যকৰ।

৩) চেনিটেৰী নেপকিন ব্যৱহাৰৰ সময়ত কাপোৰত তেজ লগাৰ আশংকা থাকে। কিন্তু ঋতুস্ৰাৱৰ কাপ ব্যৱহাৰ কৰিলে এনে হোৱাৰ সম্ভাৱনা নাথাকে। খোজ কঢ়া, শুই থকা, খেলা-ধূলা কৰা — ঋতুস্ৰাৱৰ কাপ পিন্ধাৰ পিছত এই কামবোৰ বহুত সহজ হৈ পৰে। পেডবোৰ পৰিৱেশৰ প্ৰতি একেবাৰেই অনুকূল নহয়। বৰঞ্চ ঋতুস্ৰাৱৰ কাপবোৰ বহুত বেছি পৰিৱেশ অনুকূল।