বিয়াৰ বাবে পাত্ৰী হিচাপে কোনবোৰ ছোৱালী আটাইতকৈ উপযুক্ত? জানি লওক চাণক্যৰ মত

আচাৰ্য চাণক্যক ভাৰতীয় শাস্ত্ৰৰ সৰ্বকালৰ অন্যতম শ্ৰেষ্ঠ পণ্ডিত হিচাপে গণ্য কৰা হয়। প্ৰাচীন ভাৰতৰ অন্যতম শ্ৰেষ্ঠ দাৰ্শনিক আৰু অৰ্থনীতিবিদ আছিল চাণক্য। তেওঁ ‘অৰ্থশাস্ত্ৰ’ লিখিছিল। ইয়াৰ বাবেই তেওঁ পাছলৈ কৌটিল্য নামেৰে পৰিচিত হয়। চাণক্যই মানুহৰ জীৱনত প্ৰত্যক্ষ বা পৰোক্ষভাৱে প্ৰভাৱ পেলাব পৰা প্ৰতিটো বিষয় অতি গভীৰভাৱে অধ্যয়ন কৰিছিল। চন্দ্ৰগুপ্ত মৌৰ্যৰ গুৰু চাণক্যৰ নীতি আজিও এই কাৰণতে প্ৰাসংগিক।

পণ্ডিতসকলৰ মতে আচাৰ্য চাণক্যৰ এই দৰ্শনে আমাক যিকোনো প্ৰতিকূল অৱস্থাত অধ্যৱসায় কৰিবলৈ শিকায়। শাস্ত্ৰজ্ঞা পণ্ডিতসকলৰ মতে যিসকলে আচাৰ্য চাণক্যৰ নীতি নিয়মিতভাৱে অনুশীলন আৰু অনুসৰণ কৰে, যিসকলে চাণক্যৰ জীৱন দৰ্শনক গ্ৰহণ কৰিছে, তেওঁলোকে নিজৰ জীৱনৰ দুৰ্দশাৰ পৰা সহজেই মুক্তি পায়। ডাঙৰ দুৰ্যোগতো বেছি বিচলিত নহয়।

চাণক্য নীতিত বিবাহ সম্পৰ্কীয় বিভিন্ন বিচাৰ্য বিষয়ত আচাৰ্য চাণক্যৰ মতামত দাঙি ধৰা হৈছে।

কোনবোৰ ছোৱালী বিয়াৰ বাবে পাত্ৰী হিচাপে আটাইতকৈ উপযুক্ত?

• আচাৰ্য চাণক্যই বিশ্বাস কৰিছিল যে বিবাহত ছোৱালীৰ ৰূপৰ বিশেষ গুৰুত্ব নাই। তেওঁৰ মতে, ছোৱালীজনীৰ ৰূপ নহয়, অন্তৰৰহে সন্ধান কৰিব লাগে। যাৰ অন্তৰ সুন্দৰ, তেওঁৱেই বিবাহৰ বাবে উপযুক্ত পাত্ৰী।
• আচাৰ্য চাণক্যই সুন্দৰী অথচ ৰহস্যময়ী বা ছদ্মবেশী মহিলাৰ সংগ এৰাই চলাৰ পৰামৰ্শ দিছে। তেওঁৰ মতে সুন্দৰী অথচ ৰহস্যময়ী ছোৱালী কেতিয়াও বিবাহৰ বাবে উপযুক্ত পাত্ৰী নহয়।
• চাণক্যৰ মতে, ছোৱালীৰ কৰ্কশ কথা কোনোমতে পছন্দৰ নহয়। আচাৰ্য চাণক্যই বিবাহৰ ক্ষেত্ৰত কটূভাষী ছোৱালীৰ পৰা আঁতৰি থাকিবলৈ পৰামৰ্শ দিছে।
• আচাৰ্য চাণক্যই হ’বলগীয়া পত্নীৰ সততা, বিশ্বাসযোগ্যতাৰ বিষয়ে নিশ্চিত হ’বলৈ পৰামৰ্শ দিছে। অৱশ্যে সম্পৰ্কত সততা আৰু বিশ্বাসযোগ্যতা বজাই ৰখাটো পুৰুষ আৰু মহিলা উভয়ৰে ক্ষেত্ৰতে প্ৰযোজ্য।