Google pay’ৰ দৰে টুইটাৰৰ জৰিয়তে কৰিব পৰা যাব বিত্তীয় লেনদেন; মাস্কৰ নতুন চিন্তা Payment X

ছ’চিয়েল মিডিয়া প্লেটফৰ্মৰ পৰাই এইবাৰ কৰা যাব বিত্তীয় লেনদেন। ইলন মাস্কে দেখুৱাইছে এক নতুন পথ। বৰ্তমান এক্স নামেৰে পৰিচিত টুইটাৰৰ চিইঅ’ লিণ্ডা ইয়াকাৰিনোৱে এইদৰে কয়। অতি সোনকালে গ্ৰাহকে টুইটাৰ ব্যৱহাৰ কৰি পেমেণ্ট কৰিব পাৰিব বুলিও তেওঁ কয়। এই সন্দৰ্ভত তেওঁ ছ’চিয়েল মিডিয়া প্লেটফৰ্ম এক্সত এটা ভিডিঅ’ শ্বেয়াৰ কৰে।

লিণ্ডাই কয় যে পেমেণ্ট এক্স আহি আছে। ভিডিঅ’ শ্বেয়াৰ কৰি টুইটাৰৰ এই নতুন ফিচাৰ্ছৰ ঘোষণা কৰিছে ইয়াকাৰিনোৱে। তেওঁ লিখিছে, ‘আহি আছে কিহৰ ইংগিত, কোন আছে?’ দুই মিনিটৰ ভিডিঅ’ শ্বেয়াৰ কৰি ইউজাৰক কয় যে এতিয়াৰ পৰা টুইটাৰৰ গ্ৰাহকে এক্সৰ জৰিয়তে পেমেণ্ট কৰিব পাৰিব। এয়া শেষ নহয়, আগন্তুক দিনত টুইটাৰৰ জৰিয়তে ভিডিঅ’ কলিং সম্ভৱ হ’ব বুলিও তেওঁ কয়। টুইটাৰত আৰু কিছু পৰিৱৰ্তন অতি সোনকালে আহিব বুলিও ইংগিত দিয়ে মুখ্য কাৰ্যবাহী বিষয়াগৰাকীয়ে।

লগতে পঢক: গুৱাহাটী-আগৰতলা বিমানত অঘটন! মাজ আকাশতে দুৱাৰ খোলাৰ চেষ্টা যাত্ৰীৰ; চাওক ভিডিঅ’

শেহতীয়াকৈ প্ৰকাশিত এক প্ৰতিবেদনত কোৱা হৈছে যে ইলন মাস্কে তেওঁৰ টুইটাৰ বা এক্স হেণ্ডেল ব্যৱহাৰ কৰিবলৈ গ্ৰাহকৰ পৰা ধন লোৱাৰ কথা চিন্তা কৰিছে। তেওঁ ইংগিত দিছে। তেওঁ কয় যে এপটো ব্যৱহাৰ কৰিবলৈ ব্যৱহাৰকাৰীয়ে মাহিলী মাচুল হিচাপে কিছু ধন দিব লাগিব। ইজৰাইলৰ প্ৰধানমন্ত্ৰী বেঞ্জামিন নেতানিয়াহুৰ সৈতে হোৱা বাৰ্তালাপত মাস্কে এই কথা কৈছিল।

a hint of what's to come… (in higher res) pic.twitter.com/bMeKX1bgb7

— Linda Yaccarino (@lindayaX) September 21, 2023

যোৱা বছৰ ৪৪ বিলিয়ন ডলাৰৰ চুক্তিত টুইটাৰ ক্ৰয় কৰাৰ পিছত মাস্কে এই প্লেটফৰ্মত বহু পৰিৱৰ্তন সাধন কৰিছে। প্লেটফৰ্ম ক্ৰয়ৰ লগে লগে মাস্কে তেতিয়াৰ মুখ্য কাৰ্যবাহী বিষয়া পৰাগ আগৰৱালক চাকৰিৰ পৰা বৰ্খাস্ত কৰে। ছ’চিয়েল মিডিয়া চাইটটোৰ নিয়ন্ত্ৰণ লয়।

লগতে পঢক: সকলো দীপিকাৰ বাবে? নয়নতৰাৰ সৈতে অন্যায়! শ্বাহৰুখ-এটলীৰ ওপৰত ক্ষুব্ধ দক্ষিণৰ অভিনেত্ৰী

তেওঁ পূৰ্বতে নিষিদ্ধ হৈ থকা একাউণ্টসমূহ পুনৰ সক্ৰিয় কৰাৰ অনুমতি দিছিল। এই কাৰ্যৰ লগে লগে আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পৰ একাউণ্ট পুনৰ খোলা হ’ল। ব্লু টিক পৰীক্ষণ ব্যৱস্থাতো সালসলনি কৰিছে। এই ব্যৱস্থাটো মাচুলৰ বিনিময়ত উপলব্ধ। অৱশ্যে এক্স হেণ্ডলৰ হেক হোৱাৰ ঘটনাও ঘটিছে। লগতে পৰিসেৱাৰ মাজে মাজে ব্যাঘাতো ঘটে। গ্ৰাহকে অভিযোগ কৰি আহিছে।