বৰপেটাৰোডত ভয়াবহ পথ দুৰ্ঘটনাত নিহত ২ জন যুৱক; গুৰুতৰভাৱে আহত ৩জন

বৰপেটাৰোডৰ ৩১ নম্বৰ ৰাষ্ট্ৰীয় ঘাইপথত যোৱা নিশা ১২:৩০ মান বজাত এক ভয়ংকৰ পথ দুৰ্ঘটনা সংঘটিত হয় ৷ এখন তীব্ৰ বেগী ডাম্পাৰৰ সৈতে এখন অল্ট’ বাহনৰ হোৱা মুখামুখি সংঘৰ্ষত ২ জন যুৱকৰ মৃত্যু হয় ৷ এই ঘটনাত আন তিনিজন যুৱক গুৰুতৰভাৱে আহত হয়।

নিহত যুৱক দুজনক নিৰ্মল দাস আৰু ঋতুমনি ৰয় বুলি চিনাক্ত কৰা হৈছে ৷  গুৰুতৰভাৱে আহত তিনিজন হৈছে জিতুমনি ৰয়, দ্বীপজ্যোতি ৰয় আৰু জুৱেলজ্যোতি ৰয় ৷ ঘটনাৰ বলি আটাইকেইজনৰে ঘৰ সৰভোগত।

লগতে পঢ়কঃ ৰাখে হৰি মাৰে কোনে! সৎকাৰ কৰাৰ পূৰ্বে জী উঠিল চিকিৎসকে মৃত বুলি ঘোষণা কৰা কেঁচুৱা

জানিব পৰা মতে, গুৱাহাটীৰ পৰা সৰভোগ অভিমুখী সম্পূৰ্ণ নতুন অল্টো K10 বাহনখনৰ বৰপেটা ৰোডৰ পৰা হাউলী অভিমুখী এখন তীব্ৰ বেগী ডাম্পাৰৰ সৈতে মুখামুখি সংঘৰ্ষৰ ফলতে এই ভয়াবহ দুৰ্ঘটনাটো ঘটে।

গুৰুতৰভাৱে আহত যুৱককেইজনক প্ৰথমে বৰপেটাৰোড চৰকাৰী চিকিৎসালয়ত ভৰ্তি কৰোৱা হৈছিল যদিও অতি সংকটজনক অৱস্থাত উন্নত চিকিৎসাৰ বাবে বৰপেটা চিকিৎসা মহাবিদ্যালয় হাস্পতাললৈ প্ৰেৰণ কৰা হয়।