অব্যাহত থাকিব আদৰ্শগত যুঁজ: তিনি ৰাজ্যত পৰাজয়ৰ পিছত মন্তব্য ৰাহুলৰ

কালি ঘোষণা হ’ল চাৰিখন ৰাজ্যৰ বিধানসভা নির্বাচনৰ ফলাফল। মধ্যপ্ৰদেশ, ছত্তীশগড়, আৰু ৰাজস্থানত বিজেপিয়ে নিৰংকুশ সংখ্যাগৰিষ্ঠতা লাভ কৰি চৰকাৰ গঠনৰ দিশে আগবঢ়াৰ বিপৰীতে তেলেংগানা জয় কৰে কংগ্ৰেছ।

তিনি ৰাজ্যত হতাশাজনক পৰাজয়ৰ পিছত প্ৰতিক্ৰিয়া প্ৰকাশ কৰিছে কংগ্ৰেছৰ প্ৰধান নেতা ৰাহুল গান্ধীয়ে।

গান্ধীয়ে তিনি ৰাজ্যৰ পৰাজয়ক বিনম্ৰভাৱে স্বীকাৰ কৰাৰ বিপৰীতে তেলেংগানাৰ জনসাধাৰণক ধন্যবাদ জ্ঞাপন কৰে।

মধ্যপ্ৰদেশ, ছত্তীশগড়, আৰু ৰাজস্থানত নিৰ্বাচনী যুঁজত পৰাস্ত হ’লেও বিজেপিৰ সৈতে মতাদৰ্শগত যুঁজ অব্যাহত থাকিব বুলি ঘোষণা কৰিছে কংগ্ৰেছ নেতাগৰাকীয়ে। এক টুইট যোগে এই ঘোষণা কৰে গান্ধীয়ে।

मध्य प्रदेश, छत्तीसगढ़ और राजस्थान का जनादेश हम विनम्रतापूर्वक स्वीकार करते हैं – विचारधारा की लड़ाई जारी रहेगी।

तेलंगाना के लोगों को मेरा बहुत धन्यवाद – प्रजालु तेलंगाना बनाने का वादा हम ज़रूर पूरा करेंगे।

सभी कार्यकर्ताओं को उनकी मेहनत और समर्थन के लिए दिल से शुक्रिया।

— Rahul Gandhi (@RahulGandhi) December 3, 2023

ইফালে তেলেংগানাত দলটোক একক সংখ্যাগৰিষ্ঠতা প্ৰদান কৰাৰ বাবে ৰাজ্যখনৰ জনসাধাৰণক ধন্যবাদ জনায় ৰাহুল গান্ধীয়ে।

তেওঁ লগতে জনতাৰ তেলেংগানা গঢ় দিয়াৰ প্ৰতিশ্ৰুতি পূৰণ কৰা হ’ব বুলি নিশ্চিতি দিয়ে।

কংগ্ৰেছ নেতাগৰাকীয়ে লগতে দলৰ কাৰ্যকতাসকলৰ কষ্ট আৰু সমৰ্থনৰ বাবে কৃতজ্ঞতা জনায়।