জি পি সিঙৰ প্ৰত্যাহ্বান গ্ৰহণ আলফা (স্বাধীন)ৰ: বান্ধি দিলে দুটা চৰ্ত
নিষিদ্ধ ঘোষিত সংগঠন আলফা (স্বাধীন)- এ গ্ৰহণ কৰিছে অসম আৰক্ষীৰ সঞ্চালক প্ৰধান জি পি সিঙে জনোৱা প্ৰত্যাহ্বান। এই প্ৰত্যাহ্বান গ্ৰহণৰ ক্ষেত্ৰত নিষিদ্ধ বিদ্ৰোহী সংগঠনটোৱে জি পি সিঙক দিছে দুটা চৰ্ত।
এক প্ৰেছ বিজ্ঞপ্তি যোগে আলফা (স্বাধীন)- এ অসম আৰক্ষীৰ সঞ্চালক প্ৰধানজনলৈ দিছে সকীয়নি। উল্লেখ্য যে যোৱা কিছুদিনৰ পৰা উজনি অসমত বৃদ্ধি পাইছে সংগঠনটোৰ কুচকাৱাজ।
শেহতীয়াকৈ যোৰহাটস্থিত এক সেনা চাউনিত হোৱা বিস্ফোৰণৰ দায়িত্বও স্বীকাৰ কৰিছিল সংগঠনটোৱে। ইয়াৰ পিছতে জি পি সিঙে আলফা (স্বাধীন)ক জনাইছিল প্ৰত্যাহ্বান।
আলফাক প্ৰত্যাহ্বান জনাই সিঙে কৈছিল যে কাহিলীপাৰা তেওঁৰ আৱাসিক ঠিকনা আৰু তেওঁৰ কাৰ্যালয়ৰ ঠিকনা উলুবাৰী। প্ৰয়োজন হ’লে তেওঁক টাৰ্গেট কৰিবলৈ আলফাক প্ৰত্যাহ্বান জনাইছিল তেওঁ।
জি পি সিঙৰ এই প্ৰত্যাহ্বান গ্ৰহণ কৰি আলফা (স্বাধীন)- এ আজি এক বিজ্ঞপ্তি জাৰি কৰে। বিজ্ঞপ্তিটোত সংগঠনটোৱে সিঙক তেখেতৰ গাড়ী চালকৰ লগতে নিৰাপত্তাৰ বাবে ব্যৱহাৰ কৰি অহা থলগিৰি জোৱানসকলক বাদ দিবলৈ চৰ্ত আৰোপ কৰিছে।
সংগঠনটোৰ চৰ্ত, জি পি সিঙে পশ্চিমা-দক্ষিণ-পূৱ-এছিয়া (WeSEA) অঞ্চলৰ যিসকল থলগিৰি আৰক্ষী বিষয়া আৰু কনিষ্টবলক ব্যৱহাৰ কৰি আহিছে, সেইসকলক ঠাইত CRPF বা ভাৰতীয় সেনা বাহিনীক ব্যৱহাৰ কৰিব লাগে।
দ্বিতীয়তে চৰ্ত অনুসৰি, আৰক্ষী সঞ্চালক প্ৰধানগৰাকীক মাত্র এসপ্তাহ গুৱাহাটীত মুকলিকৈ তহল দি দেখুৱাবলৈ প্ৰত্যাহ্বান জনায়। এই দুই চৰ্তৰ বিনিময়ত জি পি সিঙৰ প্ৰত্যাহ্বান গ্ৰহণ কৰিবলৈ সাজু আলফা (স্বাধীন)।
সংগঠনটোৰ দাবী, এটা দশৰ পূৰ্বে সংগঠনে অসম আৰক্ষীৰ থলগিৰি বিষয়া/সদস্যৰ লগতে ৱেছিয়া অঞ্চলৰ থলগিৰি সামৰিক বিষয়া/সদস্য সকলৰ সৈতে সংঘৰ্ষত লিপ্ত নোহোৱাৰ সিদ্ধান্ত গ্ৰহণ কৰিছে।
বিগত সময়ত ডিব্ৰুগড়ৰ আৰক্ষী অধীক্ষক দৌলত সিং নেগী আৰু তিনিচুকীয়াৰ আৰক্ষী অধীক্ষক আৰ কে সিঙৰ সৈতে সংঘৰ্বত বহুকেইগৰাকী থলগিৰি বিষয়া/সদস্যই মৃত্যুবৰণ কৰাৰ বাবে এই সিদ্ধান্ত লোৱা বুলি আলফাই প্ৰকাশ কৰে।
এতিয়া আকৌ জি পি সিঙে পুনৰ সেই ভাতৃঘাটি সংঘৰ্ষৰ ৰূপ দিবলৈ বাৰে বাৰে চেষ্টা চলাইছে বুলি সংযুক্ত মুক্তি বাহিনী, অসম চমুকৈ আলফা (স্বাধীন)- এ অভিযোগ কৰিছে।
এই চৰ্ত গ্ৰহণ কৰিবলৈ আৰক্ষী সঞ্চালক প্ৰধান জি পি সিঙৰ সাহস নাই বুলিও দাবী কৰি আলফাই তেওঁৰ কেৱল মাথো ‘স্বাধীনতা ফুকন’ৰ দৰে নিৰস্ত্ৰ যুৱৱক নিশা শোৱাপাটিত পৰা উঠাই নি শীতল মস্তিষ্কৰে হত্যা কৰাৰহে সাহস আছে বুলি দাবী কৰে।
You may also like
‘ক্ৰূৰ কেন্দ্ৰীয় চৰকাৰ’ : কৃষক আন্দোলনৰ সমৰ্থনত চিঙ্ঘু সীমান্তত আত্মহত্যা এজন ধৰ্মীয় নেতাৰ
যোৱা ২৬ নৱেম্বৰৰ পৰা আৰম্ভ হোৱা কৃষক আন্দোলনৰ প্ৰাবল্য এতিয়াও স্তিমিত হোৱা নাই। বৰং ন ন স্তৰলৈ গতি কৰিছে এই নিৰন্তৰ কৃষক…
নৰেন্দ্ৰ মোদীয়ে চীনক ৰঙা চকু দেখুৱাব বুলি ৰৈ আছে সকলো : গৌৰৱ গগৈ
এসময়ত প্ৰয়োজনত চীনক ৰঙা চকু দেখাম বুলি কোৱা প্ৰধান মন্ত্ৰী নৰেন্দ্ৰ মোদীয়ে কেতিয়া সেই ৰঙা চকু দেখুৱাব তাৰ বাবে দেশৰ নাগৰিক আৰু…
বিজেপিক ভোট নিদিবলৈ এইবাৰ আহ্বান ড০ সমুজ্জ্বল ভট্টাচাৰ্য্যৰ
যোৱা বিধানসভা নিৰ্বাচনৰ পূৰ্বে বুদ্ধিজীৱী গোটৰ যি আহ্বান আছিল তাৰ প্ৰতিধ্বনি শুনা গ’ল আজি আছুৰ কণ্ঠত। নিৰ্বাচনৰ আগে আগে বিজেপিক ভোট নিদিবলৈ…
সোৱাদেই নহয়, ঔষধি গুণেৰেও ভৰপূৰ কিচমিচ: চাওক ইয়াৰ উপকাৰিতা
মানৱ দেহৰ বাবে ড্ৰাই ফ্ৰুট অৰ্থাৎ শুকান ফল কেনে উপকাৰী, সেয়া সকলোৰেই জ্ঞাত। প্ৰতিটো শুকান ফলেই স্বাস্থ্যৰ ক্ষেত্ৰত পৃথক পৃথক প্ৰভাৱ পেলায়…