কেন্সাৰৰ চিকিৎসাত আশাৰ পোহৰ! আই আই টি কানপুৰৰ গৱেষকসকলে খুলিছে সম্ভাৱনাৰ নতুন দুৱাৰ

ইণ্ডিয়ান ইনষ্টিটিউট অৱ কানপুৰে জৈৱ-চিকিৎসা গৱেষণাৰ বাধাসমূহ অতিক্ৰম কৰি জি প্ৰটিন-সংযুক্ত ৰিচেপ্টৰ আৰু কেমোকাইন ৰিচেপ্টৰ ডি ৬ৰ ওপৰত গৱেষণাত আগবাঢ়ি গৈছে।

আই আই টিৰ এক প্ৰেছ বিজ্ঞপ্তিত কোৱা হৈছে যে, ‘প্ৰতিষ্ঠানটোৰ গৱেষণাই কেন্সাৰ আৰু এলঝেইমাৰ, পাৰ্কিনছন আৰু স্কিজ’ফ্ৰেনিয়াৰ দৰে মগজুৰ বিকাৰৰ সম্ভাৱ্য চিকিৎসাৰ বিষয়ে বুজাত সহায় কৰিছে। এই গৱেষণা ছায়েন্স জাৰ্ণেলত প্ৰকাশ পোৱাৰ লগে লগে আন্তঃৰাষ্ট্ৰীয় পৰ্যায়তো প্ৰশংসা লাভ কৰিছে।

যুগান্তকাৰী এই গৱেষণাই উপযুক্ত ঔষধৰ ক্ষেত্ৰত এক নতুন যুগৰ দুৱাৰ মুকলি কৰিছে যিয়ে বিশ্বৰ লাখ লাখ লোকৰ বাবে কেন্সাৰ আৰু স্নায়ুজনিত সমস্যা সমাধান কৰিব পাৰে। এই প্ৰসংগত আই আই টি কানপুৰৰ সঞ্চালক অধ্যাপক এছ গণেশে কয় যে, “বহু কষ্ট আৰু খৰচৰ সৈতে জড়িত এনে ৰোগসমূহৰ চিকিৎসাৰ ক্ষেত্ৰত এই গৱেষণাই এক নতুন দিশ মুকলি কৰিব পাৰে।”

লগতে পঢ়কঃ প্ৰসিদ্ধ অসমীয়া সংগীত শিল্পী ভূপেন উজীৰৰ ৮০ বছৰ বয়সত দেহাৱসান

মগজুৰ কোষৰ পৃষ্ঠত ক্ষুদ্ৰ ক্ষুদ্ৰ এন্টেনাৰ দৰে জি প্ৰটিন-সংযুক্ত ৰিচেপ্টৰ (জিপিচিআৰ) মগজুৰ যোগাযোগ আৰু কাৰ্যকলাপত সহায় কৰে। যেতিয়া এই ৰিচেপ্টৰবোৰে সঠিকভাৱে কাম নকৰে তেতিয়া মগজুৰ কোষৰ মাজত যোগাযোগৰ সমস্যাই এলঝেইমাৰ আৰু পাৰ্কিনছনৰ দৰে ৰোগৰ সৃষ্টি কৰে।

একেদৰে কেম’কাইন ৰিচেপ্টৰ ডি ৬য়ে মানৱ শৰীৰৰ ৰোগ প্ৰতিৰোধ ক্ষমতাত কাম কৰে আৰু কেন্সাৰত ৰিচেপ্টৰে টিউমাৰৰ পৰিৱেশক প্ৰভাৱিত কৰিব পাৰে বুলি আই আই টি কানপুৰৰ গৱেষণাৰ তথ্যই ব্যাখ্যা কৰিছে।

প্ৰতিষ্ঠানটোৰ গভীৰ জৈৱ-চিকিৎসা গৱেষণাৰ সহায়ত নতুন পদ্ধতি আৰু চিকিৎসা পদ্ধতি উদ্ভাৱন কৰিব পৰা যাব পাৰে, যাৰ ফলত অৱশেষত বিশ্বজুৰি এনে ৰোগত আক্ৰান্ত লোকসকল উপকৃত হ’ব। ক্ৰায়োজেনিক-ইলেক্ট্ৰন মাইক্ৰস্কোপি (cryo-EM) নামৰ উচ্চ প্ৰযুক্তিৰ পদ্ধতিৰে ৰিচেপ্টৰবোৰৰ বিশদ ত্ৰিমাত্ৰিক ছবি তৈয়াৰ কৰা হৈছিল।

লগতে পঢ়কঃ  ভাৰতৰ সৈতে সংঘাতৰ বাবে ৰাষ্ট্ৰপতিকে অপসাৰণৰ দাবী মালদ্বীপত; চাপত পৰি দিল্লীমুখী মুইজু?

এই প্ৰক্ৰিয়াৰ সহায়ত গৱেষকসকলে আণৱিক পৰ্যায়ত ৰিচেপ্টৰৰ ত্ৰিমাত্ৰিক ছবি অধ্যয়ন কৰিব পাৰে আৰু ৰোগৰ অৱস্থাৰ সৃষ্টি কৰা এই ৰিচেপ্টৰৰ সমস্যাসমূহ শুধৰাবলৈ নতুন ঔষধৰ দৰে অণুৰ ডিজাইন কৰিব পাৰে।