আজিৰে পৰা তিনিচুকীয়াত পষেকজোৰা ড্ৰাগছ বিৰোধী তথা যুৱ প্ৰজন্মৰ উজ্জীৱিতকৰণ কাৰ্যসূচী

আজিৰে পৰা পষেকজোৰা কাৰ্যসূচীৰে তিনিচুকীয়া জিলাৰ বিভিন্ন অঞ্চলত ড্ৰাগছৰ বিৰুদ্ধে তথা নৱ- প্ৰজন্মক ধনাত্মক দিশত কৰ্ম সাংস্কৃতিৰে আগবঢ়াই নিবৰ বাবে সজাগতামূলক সভা তথা কৰ্মশালা অনুষ্ঠিত কৰা হৈছে।

যুৱপ্ৰজন্মৰ জীৱন উজ্জীৱিতকৰণৰ বাবে আয়োজন কৰা সমূহ কাৰ্যসূচীত সমল ব্যক্তি তথা মুখ্য বক্তা হিচাপে উপস্থিত থাকিব প্ৰেৰণাত্মক বক্তা, অসমৰ ৰাষ্ট্ৰীয় পৰ্যায়ৰ মানৱধিকাৰ তথা সমাজ কৰ্মী ডঃ দিব্যজ্যোতি শইকীয়া।

লগতে পঢ়কঃ বিজেপি পুনৰ ক্ষমতালৈ আহিলে আঞ্চলিক দলসমূহ অস্তিত্ব সংকটৰ সন্মুখীন হ’ব: চিদাম্বৰম

ডঃ দিব্যজ্যোতি শইকীয়াৰ লগতে থাকিব বিভিন্ন দিশত সফলতা লাভ কৰা কেইবাগৰাকীও ব্যক্তি। ইয়াৰোপৰি বিশেষভাবে সফলতা লাভ কৰা কেইগৰাকীমান কৃষকেও বক্তব্য ৰাখিব।

আজি  প্ৰথম দিনা তিনিচুকীয়া জিলাৰ টেকেৰী ৱাথৈ ইন্দ্ৰপুৰ যুৱক সংঘৰ উদ্যোগত   ড্ৰাগছ আদি নিচাৰ বিৰুদ্ধে যুৱ প্ৰজন্মৰ কৰ্ম মুখিতা সন্দৰ্ভত এক কৰ্মশালাৰে এই পষেকজোৰা কাৰ্যসূচী লানি  আৰম্ভ হ’ব।

কাইলৈ অসম সত্ৰ মহাসভাৰ তিনিচুকীয়া জিলাৰ উদ্যোগত কাকপথাৰত এক বৃহৎ কাৰ্যসূচী অনুষ্ঠিত হব যি অনুষ্ঠানত ডঃ দিব্যজ্যোতি শইকীয়াৰ লগতে কৃষি বিষয়া ডঃ ৰুবুল গোহাঁই উপস্থিত থাকিব।

লগতে পঢ়কঃ ডোনাল্ড ট্ৰাম্পৰ দশা! জালিয়াতিৰ গোচৰত ৩৫৫ মিলিয়ন ডলাৰ জৰিমনা বিহিলে আদালতে

পষেকজুৰি অনুষ্ঠিত হ’বলগীয়া অনুষ্ঠান সমূহৰ সকলো কাৰ্যসূচীতে অসম সত্ৰ মহাসভাৰ তিনিচুকীয়া জিলা সমিতি আৰু তিনিচুকীয়া হিউমেনিটি ফাউণ্ডেশ্যনয়ে তিনিচুকীয়াবাসীৰ পৰা সকলো দিশতে সহযোগিতা আগবঢ়োৱাৰ বাবে আহ্বান জনোৱাৰ লগতে প্রতিখন সভাত উপস্থিত থাকিবলৈ ৰাইজক অনুৰোধ জনাইছে।