প্ৰতিযোগিতামূলক পৰীক্ষাত অৱতীৰ্ণ হ’বলগীয়া প্ৰশিক্ষাৰ্থীৰ বাবে মাজুলীত প্ৰাক-পৰীক্ষা প্ৰশিক্ষণ কেন্দ্ৰ
মাজুলীৰ যুৱ প্ৰজন্মক প্ৰতিযোগিতামূলক পৰীক্ষাত আত্মবিশ্বাসেৰে অৱতীৰ্ণ হোৱাত সহায় কৰিব পৰাকৈ উপায়ুক্ত দেৱপ্ৰসাদ মিশ্ৰৰ বিশেষ উদ্যোগত আজিৰে পৰা মাজুলী মহাবিদ্যালয়ত এটা প্ৰাক-পৰীক্ষা প্ৰশিক্ষণ কেন্দ্ৰৰ শুভাৰম্ভ কৰা হয়।
মহাবিদ্যালয়খনত আজি বিয়লি ৩.৩০ বজাত আয়োজিত এক গাম্ভীৰ্যপূৰ্ণ অনুষ্ঠানত উপায়ুক্ত মিশ্ৰই এই প্ৰশিক্ষণ কেন্দ্ৰটো উদ্বোধন কৰে।
অনুষ্ঠানত অতিৰিক্ত উপায়ুক্ত নৰেণ দাস, ৰাজহ চক্ৰ বিষয়া অজিত কুমাৰ শৰ্মা, সহকাৰী আয়ুক্তদ্বয় ডাঃ জোনালী গগৈ আৰু অচ্যুৎ বৰুৱা, উপ-আৰক্ষী অধীক্ষক দ্বীপজ্যোতি তালুকদাৰ, মাজুলী মহাবিদ্যালয়ৰ অধ্যক্ষ ড০ দেৱজিৎ শইকীয়াৰ লগতে মহাবিদ্যালয়ৰ অধ্যাপকসকল আৰু প্ৰশিক্ষাৰ্থী ছাত্ৰ-ছাত্ৰীসকলে অংশগ্ৰহণ কৰে।
জিলা প্ৰশাসনৰ উদ্যোগত আৰু মাজুলী মহাবিদ্যালয়ৰ কেৰিয়াৰ কাউন্সেলিং কোষৰ সহযোগত আৰম্ভ কৰা প্ৰাক-পৰীক্ষা প্ৰশিক্ষণ কেন্দ্ৰৰ প্ৰথমটো ৪০ দিনীয়া প্ৰশিক্ষণ পাঠ্যক্ৰম অহা ৩০ জুনলৈ চলিব।
সুদীৰ্ঘ ১৫ বছৰকাল গুৱাহাটী খানাপাৰাৰ অসম প্ৰশাসনীয় প্ৰাধিকাৰীৰ মহাবিদ্যালয়ত পাঠ্যক্ৰম সঞ্চালক (Course Director) হিচাপে ৰাজ্যৰ ৰাজপত্ৰিত বিষয়াসকলৰ লগতে বাহিৰৰ বিষয়াসকলৰো প্ৰশিক্ষণ পাঠ্যক্ৰম পৰিচালনা কৰাৰ অভিজ্ঞতাৰে পুষ্ট উপায়ুক্ত মিশ্ৰই আজি এই কেন্দ্ৰটো আনুষ্ঠানিকভাৱে উদ্বোধন কৰাৰ পিছতে প্ৰায় ডেৰঘণ্টীয়া প্ৰথমটো প্ৰশিক্ষণমূলক পাঠদান কাৰ্যসূচী অনুষ্ঠিত কৰে।
You may also like
অপৰাজিতা! পঢ়াশুনাৰ খৰচ যোগাৰ কৰিবলৈ ১০০ দিনৰ মজুৰি কৰিছে ইঞ্জিনিয়াৰিঙৰ ছাত্ৰীয়ে
বহি থাকিলে নচলে অভাৱৰ সংসাৰ। দুবেলা দুমুঠি খোৱাৰ যোগাৰ কৰোতেই হাবাথুৰি খাবলগীয়া অৱস্থা। এনে পৰিস্থিতি নিজৰ কলেজৰ পঢ়াশুনাৰ খৰচ যোগাৰ কৰিবলৈ ১০০দিনৰ…
কেনেদৰে চলিছে অসমৰ শিক্ষা ব্যৱস্থা? বিৰোধীৰ সুৰতেই শিক্ষামন্ত্ৰীয়েও মানি ল’লে ব্যৰ্থতা!
ৰাজ্যখনৰ শিক্ষা ব্যৱস্থা কেনেদৰে চলিছে? কেইবা হাজাৰো শিক্ষকৰ পদ খালী। বিৰোধীয়ে ইয়াকে লৈ পূৰ্বৰে পৰা অভিযোগ কৰি আহিছিল যদিও এইবাৰ শাসক পক্ষৰ…
আয়ুৰ্বেদিক, হোমিঅ’পেথিক চিকিৎসকে কৰিব নোৱাৰিব ক’ৰ’ণাৰ চিকিৎসা, উচ্চতম ন্যায়ালয়ৰ ৰায়
দেশত আয়ুৰ্বেদিক আৰু হোমিঅ’পেথিক চিকিৎসকসকলে ক’ৰ’ণাৰ চিকিৎসা কৰিব নোৱাৰিব। আজি উচ্চতম ন্যায়ালয়ে এই ৰায় দিয়ে। ন্যায়াধীশ অশোক ভূষণ,ন্যায়াধীশ সুভাষ ৰেড্ডী আৰু ন্যায়াধীশ…
নাগৰিকত্ব বিধেয়কৰ বিৰোধিতা কৰা একমাত্ৰ বিজেপি নেতা-বিধায়কজনক সাক্ষাৎ কৰিলে আছুৱে
নাগৰিকত্ব সংশোধনী বিধেয়কখন বাতিলৰ দাবীত সদৌ অসম ছাত্ৰ সন্থা আৰু ২৬টা জনগোষ্ঠীয় সংগঠনে ৰাজ্যৰ মন্ত্ৰী-বিধায়কসকলক ব্যক্তিগতভাৱে লগ কৰি বিধেয়কখন বাতিলৰ দাবীত তেওঁলোকৰ…