ইউক্ৰেইনলৈ যদি নাটোৱে সৈন্য প্ৰেৰণ কৰে..! ৰাছিয়াৰ সংসদত পুটিনৰ পাৰমাণৱিক যুদ্ধৰ ভাবুকি

ৰাছিয়াৰ ৰাষ্ট্ৰপতি ভ্লাদিমিৰ পুটিনে বৃহস্পতিবাৰে দেশবাসীক সম্বোধন কৰে। এই সময়ত তেওঁ আমেৰিকা আৰু ইয়াৰ মিত্ৰ দেশসমূহক পাৰমাণৱিক যুদ্ধৰ বিষয়ে সকীয়াই দিছে। নাটো দেশসমূহে ইউক্ৰেইনলৈ সৈন্য প্ৰেৰণ কৰিলে পাৰমাণৱিক যুদ্ধ আৰম্ভ হ’ব পাৰে বুলি পুটিনে কয়।

ৰাছিয়াৰ সংসদত ভাষণ দি পুটিনে কয় যে ৰাছিয়াই নিজৰ আভ্যন্তৰীণ বিষয়ত কাকো হস্তক্ষেপ কৰিবলৈ নিদিয়ে। কোনোৱে ৰাছিয়াক আক্ৰমণ কৰিবলৈ চেষ্টা কৰিলে ভয়াৱহ পৰিণতিৰ সন্মুখীন হ’ব লাগিব। সেয়া দ্বিতীয় বিশ্বযুদ্ধতকৈও ভয়াৱহ হ’ব।

লগতে পঢ়কঃ ১ মে’ৰ পৰা বন্ধ হ’ব পাৰে ৰে’ল সেৱা! পুৰণি পেঞ্চনৰ দাবীত ধৰ্মঘটৰ আহ্বান ৰে’ল শ্ৰমিক সংগঠনৰ

পুটিনে কয় যে বেছিভাগ ৰাছিয়াৰ নাগৰিকে ইউক্ৰেইনৰ বিৰুদ্ধে ৰাছিয়াৰ “বিশেষ সামৰিক অভিযান”ক সমৰ্থন কৰে। ইয়াৰ উপৰিও সেনাৰ শক্তি এতিয়া বহুগুণে বৃদ্ধি পাইছে বুলিও তেওঁ কয়। নিৰ্বাচনৰ দুসপ্তাহ পূৰ্বে পুটিনে ৰাছিয়াৰ সংসদত এই ভাষণ দিছিল। ৰাছিয়াত পুটিন ক্ষমতাত থকা দুটা দশকৰো অধিক সময় হ’ল।

পুটিনে অভিযোগ কৰে যে পশ্চিমীয়া দেশসমূহে ৰাছিয়াক ভিতৰৰ পৰা দুৰ্বল কৰিবলৈ চেষ্টা কৰিছে। আমেৰিকাই ৰাছিয়াক কৌশলগত পৰাজয় দিব বিচাৰিছে। তেওঁ লগতে আস্থা প্ৰকাশ কৰে যে ৰাছিয়া “অদূৰ ভৱিষ্যতে বিশ্বৰ চাৰিখন বৃহত্তম অৰ্থনীতিৰ ভিতৰত অন্যতম হ’ব।”